Guwahati, Naitung 11: Kumba 14 ngut ki nongpang kila khlad noh na ka jingpang Japanese Encephalitis (JE) ha Guwahati Medical College and Hospital (GMCH) haduh ka janmiet 11 tarik u Naitung, iathuh ki bor pyniaid jong ka hospital.
Kane ka jingpang kaba la saphriang lyngba ki skain pyrjong bad kane ka ktah sha ki bor jabieng bad kane kala pyn sngewkhia hapdeng ki heh ophisar jong ka tnad ka koit ka khiah namar ka jingiai bteng ki case ban kiew ha kylleng ki jaka jong ka Lower Assam districts, bad khamtam eh ha Nalbari, ia kaba la iathuh ba kadei kaba bun tam kiba la shah ktah na kane ka jingpang JE haduh mynta.
Haba kren sha ki lad pathai khubor, u Principal jong ka GMCH u Dr. Achyut Chandra Baishya u la ong, “Ba kila pdiang ia ki npngpang kiba ioh ia kane ka jingpang JE na baroh ki District ka Lower Assam.Ka case ba bun tam eh ki wan na ki jaka nongkyndong jong ka Kamrup bad ruh kiba na sor jong ka Kamrup kiba la ioh haduh 22 tylli ki cases. Ka Nalbari ka wan ba-ar ba don haduh 15 tylli ki case na Darrang da 11 tylli ki case, bad kiwei pat ki bynta jong ka Nagaon, Barpeta, Bajali, Morigaon, Baksa, bad kumjuh ruh kawei na ka jylla Meghalaya bad ar tylli ki case la report na Goalpara ruh kumjuh.”
Shuh shuh u Dr. Baishya u la ong ba ka jingsdang ban wan jong ki nongpang kadei kaba la sdang naduh u bnai Iaiong bad la iohi ia ka jingkiew ba jur bha ha u bnai Jymmang bad Jylliew bad ka jingiap la sdang ban iohi naduh u bnai Jylliew.
U Dr u la pyntip ba “Ka jingiap ka ktah lang salonsar ia baroh ki rta ba kynthup naduh kiba hapoh 10 snem haduh ki rangbah kiba la palat ia ka 60 snem ka rta bad ka jingiap kham bunsien ki kham bun kadei hapdeng ki ba dang kham khynnah bad ki tymmen.”
Hapdeng ki jingsngewkhia kiba nang jur halor ka jingsaphriang jong kane ka jingpang, ka National Health Mission (NHM) ka la pynmih ïa ka jingpynbna paidbah ban kyntiew na ka bynta ban pynsngewthuh paidbah bad ruh ban shim ia ki lad jingïada.
Na ka liang u Director jong ka NHM u Dr. Lakshmanan S u la ong, “Ka jingpang Japanese Encephalitis ka don ha Assam bad ka lah ban ktah iano iano ruh ba kynthup naduh ki khyllung haduh kiba la rangbah. Ka Assam ka dang long kawei na ki khyndiat tylli ki jylla kiba don ha India, kaba don haduh 50% na ka jingdon jong ki nongpang JE ha ka ri.”
Shuh shuh u la ong ba ki dak ki shin kiba sdang ia kane ka jingpang ki long ka jingpang shit ne (fever), visual disturbances ne ka jingbym iohi shai bha bad ka neurological discomfort bad halor kine ym dei ban shu ieh beit kumto.
“Ngi kyntu ia ki paidbah ba kin long husiar bha bad ngi dang ia trei lang bad ki panchayat bad kiwei pat ban pynduh ne teh lakam ha kaba iadei bad ki skain pyrjong, kum na ka jingleh khuid bad ka awareness campaign ia ki paidbah bad kiwei kiwei de.”
Na ka liang ki bor ba dei khmih ne pyniaid kila pynpaw ia ka jingdonkam ban wad bniah ha ka por ba biang, ka jingpeitngor da ki paidbah nong shong shnong ban iada na ka jingsaphriang kane ka jingpang bad ruh ka jingiap briew kiba ioh ia kane ka jingpang,
 ha Guwahati Medical College and Hospital (GMCH) haduh ka janmiet 11 tarik u Naitung, iathuh ki bor pyniaid jong ka hospital.){kind=link}