Shillong Naitung 05: U Additional Deputy Commissioner jong ka Pynursla Civil Sub-Division, ula pyntip ba la pynbeit thymmai ia ka por na ka bynta ki kali kiba leit ba wan na ka thain Laitlyngkot sha Langkyrdem ha kaba yn khang ia ki kali ban iaid naduh ka por 11 baje mynstep haduh 4 baje janmiet bad naduh ka por 9 baje mynmiet haduh 4 baje mynstep.
La ong ba kane ka jingkhang ia kane ka surok kan treikam man la ka sngi bad ka sdang treikam naduh ka 7 tarik u Naitung haduh ka 13 tarik u Naitung bad tad haduh bad da pynbna da kumwei pat.
Ka jingkhang ha katei ka por ban iaid ki kali na Laitlyngkot shaduh Lyngkyrdem kadei namar ka jingbteng ban buh ha ka jingma ha ki katto katne ki bynta kiba la shah ktah ha ki bynta jong katei ka surok.
U ADC ula bthah ruh ia baroh ki nongleit nongwan ba kin bud ryntih ia kane ka kyndon jingbthah bad ban iai shah shipor.
