Shillong, Jylliew 24 : U Symbud Myntri Rangbah Bah Prestone Tynsong ha ka sngi Nyngkong, ula iathuh ba u Myntri Rangbah ka Jylla Conrad K Sangma un sa khot shen ia ka jingialang jong ka All Party Committee ban iakren halor ka jingtyrwa ban pyntrei ia ka lynti rel ha Ri-lum Khasi bad Jaintia.
Hynrei u Bah Prestone ula kyntait ban kynthoh halor ka rai bala shim da ka kynhun Liang Pyrshah ban nym iadon bynta ha kane ka jingialang ban wan jong ka Committee.
“Ngam don eiei ban kynthoh ia kane hynrei kaei kaba nga ong ba kong ba ngi la rai na ka Sorkar ba ngin pynlong ia ka jingialang jong baroh ki Seng Sain pyrthei halor ka kam lynti rel” ula bynrap.
