Guwahati, Jylliew 6: Ka thain Shatei Lam Mihngi jong ka ri India ka dang iai bteng ban iakhun pyrshah ia ki jingpynjulor na ka daw jong ka jingther u lap bah bad ruh ka jingshlei um ha ryngkat bad ka jingtwa khyndew naduh ka 29 tarik u Jymmang.
Ha kane ka jinglyngshop ka mariang, kumba 52 ngut ki mynsiem ba kordor kila duh ei ha ka thain baroh kawei bad ka jylla Assam ka dei kawei kaba la shah ktah bha.
Tang hapoh ka jylla Assam, 21 ngut ki briew kila duh ia la ka jingim bad kumba 5.6 lak ngut ki briew kila shah ktah na ka jingshlei um. Ka Assam State Disaster Management Authority (ASDMA) kala pyntip ba ka jaka rep ka riang kaba don 14,739 hectares kala shah ktah bad ruh haduh 1506 tylli ki shnong na ki 21 tylli ki district.
Katba 12 ngut la ioh jingtip ba kila khlad noh ha Arunachal, katba 1,000 ngut ki briew kila shah ktah na ki 156 tylli ki shnong ha baroh ki 23 tylli ki district. Ki ophisar ka state’s disaster management kila pyntikna ia ka jingshah pynjot ba kynthup naduh ki surok, ki lain bording bad ruh ia ka umbam umdih.
Ha jylla Meghalaya, ki don kumba 1,100 ngut ki briew na ki 49 tylli ki shnong kila shah ktah na ka jingtwa khyndew, ka jingshlei um bad kumjuh ruh ka jingthut ha ka liang jong ka bording bad hynriew ngut ki briew kila duh noh ia la ka jingim.
Kumba lai ngut ki shipai kila iap bad khyndai ngut ki dang jah rngai hadien ba ka jingtwa khyndew ba shyrkhei ha ka jingpynshop ka mariang ia ka ktem shipai ha Chhaten, kaba don marjan bad ka sor Lachen ha Sikkim. Ki Tourists ki sahkut ha northern Sikkim district bad la ioh ban pyllait im ia ki da ka choppers, bad 59 ngut la pynkit mynnin da ka liengsuin.
Shuh shuh la report ruh ba la don ar ngut kiba duh noh ia la ka jongim, wat lada ka jingshlei kala sdang ban duna bad ka um ruh kala sdang ban hiar sha u lain bal ait na ka jingma, hynrei ki dang don haduh 10,000 ngut ki briew kiba dang sah ha ki ktem shipor ne ki relief jong ka sorkar.
Katba hapoh ka jylla Manipur bad Nagaland la don u wei ba khlad noh, katba ka jingshlei jong ka um ha Manipur kala sdang ban hiar bad kumba 1.66 lak ngut ki briew bad khamtam eh ha Imphah Valley kiba bun ki briew ki dang iai bteng jong ka jingshah ktah.
Na ka liang ki bor ba dei khmih ki dang iai trei shitom ban pynbiang ia ki jingiarap sha kito ki briew kiba shah ktah. Ka Rescue operations ne ka jingialeh ban pyllait im ka dang iaid shaid shaid da ka jingiarap na ki kynhun ba kynthup ia ka National Disaster Response Force (NDRF) bad ka State Disaster Response Force (SDRF).
U Myntri Rangbah duh ka ri u Narendra Modi u la shim ia ki jingkhein ia kane ka jinglong jingman bad u la tyrwa ban ai jingiarap sha kito ki jylla kiba la shah ktah bad u Union Minister u JP Nadda u la kyntu ia ki party state units bad ia ki karyakartas ba kin ai jingiarap sha baroh kiba donkam.
Ka jinglong jingman haduh mynta ka dang long kaba shyrkhei, bad ka India Meteorological Department (IMD) kala pyntip ba ka jinghap u slap kan dang iai bteng ha kine ki sngi ban wan.
