Shillong, Jymmang 30 : U Myntri ka tnad bording AT Mondal ula ong ba ka jingsam bording ha Jylla kala mih jingthut bad kam biang satia namar ka jinglong jong ka suinbneng.
Haba iakren bad ki nongthoh khubor ha ka sngi Thohdieng, u Mondal ula ong ba ha kiba bun ki jaka, kala don ka jinglip jingmeh ka bording ha u 132/33 KV line, 33/11 KV line bad 11 KV line sha ki substation namar ka jingslap ba khlem sangeh, ka jingkhyllem ki dieng bad ki jinghap tnat dieng.
“Ki briew jong ngi kila mih ban iatrei ia ki kam bad ngin pyrshang kham kloi ban pynioh ia ka bording” ula bynrap.
Kat kum ka jingong jong u, kam pat shym la don satia kano kano ka jingpynjulor kaba heh kat haduh mynta mynne haba phai sha ki lain sam bording.
U Mondal u pyntip ba u dang shu dep lum ia ka jingialang bad u Commissioner & Secretary ka Tnad Bording bad ka Tnad kala peitngor bha ia kaei kaba jia ba man ha Jylla.
Ha kajuh ka por, u Myntri ula kyntu ia ki briew ba kin pynjngai ialade na ki conductor namar ym lah ban tip ba ki lah ban dkut na ka jingkhyllem ki dieng ne hap ki tnad dieng.
