Shillong, Iaiong 28 : Ka Iingkashari ka District, ha ka sngi Nyngkong, kala hukum ban set 7 sngi hapoh ka Judicial custody ia u President ka North Eastern Hill University Students Union (NEHUSU) Sandy Sohtun.
Ia une u Nongialam ki samla pule ka NEHU la kem da ki Pulit hynne ka step sngi nyngkong na NEHU namar ka jingdonkti ban shoh bad byrngem pyniap ia u Professor ka Tnad Hindi jong kane ka skulbah.
U Superintendent of Police ka East Khasi Hills Bah Vivek Syiem ula ong ba ia une u President ka NEHUSU la kem hadien ka jingioh pdiang ia ka ejahar bala mudui da une u Nonghikai.
Ula pyntip ba ki Pulit kin sa kem ruh ia baroh ki samla kiba donkti ha kane ka kam bymman.
Ka dei ha ka 24 tarik Iaiong ba 6ngut ki samla pule hapoh ka jingialam u Sandy Sohtun, kila leit rung jubor bad khangkut ia une u Nonghikai hapoh ka kamra treikam jong u ha NEHU bad kila shoh dusmon ia u ha ryngat ka jingpynap da ka khanshi na ryndang bad byrngem ban pyniap.
 Sandy Sohtun.){kind=link}