Shillong, Iaiong 22: Ki Nongialam ka kynhun sam khaw ration kiba don hapoh ka shatri Fair Price Shop Dealer’s Association (FPSDA) hynne ka sngi ba-ar kila kyrpad ia u Myntri Sorkar ba peit ia ka tnad Food & Civil Supplies bad Consumer Affairs Bah Comingone Ymbon, ban pynurlong noh ia ki khatar tylli ki mat jingdawa hapoh ka shi bnai.
Katkum ka dorkhas kaba la aiti sha u myntri sorkar, kane ka kynhun kala dawa ba ka jingsiew kaba duna eh kadei ban long T.764 na ka shi kwintal, ban pyntrei kam ia ka jingai jingmut jong ka sorkar kmie kumba la mynjur da ka 3rd party World Food Program bad ruh ban pyntikna ka jingsiew ba shi bnai kam dei ban duna ia ka T.60,000 ha ka dur jong ka jingai burom (honorarium) lane ban pynbna/pynrung ia ki Fair Price Shop ha ka kyrdan group D jong ki kam sorkar.
Kila ban jur ruh ia ka jingdonkam ban pyntikna ba baroh ki jingsiew basah jong baroh ki kyrdan dei ban siew biang noh mardor (reimbursed) jong ka (NFSA+PMGKY) bad ka jingsiew bai lut ksan jong ki nongdie kiba la shah ktah ha ka khlam Corona dei ban siew sha ki khun bad bad ban pyllait noh mardor ia ka jingiohnong jong ki nongdie ha ka dor ba T. 180 shi kwintal.
Kiwei pat ka jingdawa ki kynthup ia ka jingpyntreikam pyrrkhing noh haba iadei bad ka jingpynpoi marbam sha man la ki tyngkong iing ha baroh ka jylla khlem da donkam jingsiew, ka jingduhnong ha ka kit ka bah, ka hills subsidy bad kiwei kiwei dei ban shah nalor kiwei pat.
“Ka pisa kaba dei ban ioh kaba kot da ki klur ba kila pynlut haba leit pynpoi ia ki marbam sha man la ki tyngkong iing naduh bas dang haduh u snem 2020 da ki dealers dei ban siew hadien ba la dep ban khein bha thik pa thik. Ka jingiohnong kaba ngi ïoh na ka por sha ka por ka long T. 101 & T. 122 na ka T.143 bad mynta ka long T.142.50 (shi spah sawphew ar piah) na ka T.180. Ia ka pisa ba sah baroh dei ban siew noh mardor. Dei ban kynthup lang noh ruh ia kiwei kiwei ki marbam ha ka PDS bad khamtam ia ka shini kaba long kongsan katkum ka NFSA na ka bynta ki longiing kiba bat ia ka card AAY,” kala kdew.
Shuh shuh kila rai ban iaid sha khmat ha ka ban pynrung kyrteng ha ka e-KYC bad Aadhaar ban lah pyndep ha ka por ba la buh ha u bnai Jylliew 2025, khnang ba baroh ki nongïoh jingmyntoi kiba la don lypa kin ioh beit ia ka marbam rashon,” kilaong haba tyrwa ban pynjlan ia ka por jong ka e-KYC haduh u bnai Nohprah 2025 kan pyntikna ba baroh kiba ioh pyndep ia ki jingdonkam katkum ka por ba la buh.
 hynne ka sngi ba-ar kila kyrpad ia u Myntri Sorkar ba peit ia ka tnad Food & Civil Supplies bad Consumer Affairs Bah Comingone Ymbon, ban pynurlong noh ia ki khatar tylli ki mat jingdawa hapoh ka shi bnai.){kind=link}