Shillong, Iaiong 15 : Ka kynhun ialehkai ka Shillong Cricket Academy (SCA) kala jop ia ka jingiakhun kaba ar jong ka 10th Sitaram Chhawchharia Memorial U-19 Cricket meet kaba long hynne ka sngi Ba-ar ha Guwahati.
Haba iakhun pyrshah iaka Goalpara Cricket Academy, ka kynhun ka SCA kala jop da 6 wicket bad sa 6.3 over ba dang sah.
Kane ka lympung ialehkai ka dei kaba la pynlong da ka Bud Cricket Club ha ka NFRSA Cricket Ground kaba don ha ka thain Maligaon, Guwahati. Ka SCA kala shah rem ha ka jingiakhun ba nyngkong pyrshah ia ka Mangaldai Cricket Academy hynnin ka sngi Nyngkong.
Ka Goalpara CA kala jop ha ka jingkynting pisa bad kala jied ban tied nyngkong ha kaba ki nongkawang bol ka SCA kila lah ban pynhap ia baroh ki wicket hapoh ka 49.5 over bad ai kamai 239 runs.
U Asjad ula kamai bun eh da 73 run na ki 98 bol bad u Ashish ula pyni ia ka jingtbit ban kawang bol da ka jinglah ban shim haduh 6 wicket bad ai kamai tang 25 run na ki 9.5 over, katba u Sushant Das ula shim 2 wicket bad ai kamai 41 run n aka 10 over. Kiwei pat kiba shim wicket ki kynthup ia u Angkit Tamang uba shi 1 wicket bad u Mewankitbok Kharpuri uba shim shi wicket.
Ha ka jingbeh ia ka thong, u Krishiv Chaudhary ula kamai 42 runs na ki 78 bol haba tied nyngong eh bad hadien la synniang pat da kiwei ba kynthup ia u Shubam Rasaily uba kamai 30 runs n aka 50 bol bad u Aditya Singh uba kamai 49 run n aka 40 bol. U Sudra Singh Rathore ka Shillong CA ula kamai bun eh da ka jinglah ban tied 64 runs khlem hap wicket na ki 70 bol, ba kynthup ia san tylli ki four.
U Ashish ula shah nam kum u Player of the Match.
