spot_img

Leit buddien ka CoEW halor ka jingiap ka Longkmie bad i Khun ha pukri um

Date:

Share post:

Shillong, Iaiong 15 : Ka Committee on Empowerment of Women (CoEW) ka Iingdorbar Thaw Ain ka Jylla, ha ka sngi Ba-ar, kala hiar sha shnong Langtor, Eastern West Khasi Hills District, ban buddien halor ka jinglap ia ka metiap jong kawei ka Longkmie bad I khun ba dang arbnai ha kawei ka pukri um.

Kane ka Committee bala khlieh da ka MLA Kong Santa Mary Shylla kum ka Chairperson, kala leit sha Langtor da ka jingthmu ban leit pynpaw ia ka jingsngewlem bad jingiadon ryngkat bad ka Iing ka sem jong kane ka Longkmie ba khlad.

Lah ban pynkynmaw, ha ka 2 tarik Lber 2025, ki Pulit kila ioh tam ia ka metiap jong ka Longkmie ba kyrteng ka kong Darisha Lyngdoh lem bad I Khun ba dang arbnai na ka pung tong um ha Kynship, Langtor. Kine ki shikmie shikhun kila jah rngai naduh ka 1 tarik Lber, 2025.

Ka CoEW kala leit ban jurip ia ka jaka ba lap ia ki metiap bad pynlong ruh ia ka jingshngap jar ba arminit kum ka jingleh burom ia kine kiba khlad.

Hadien kane, ka kynhun kala hiar pat sha Mairang Police Station ha kaba kala iakynduh ia u Additional Superintendent of Police Bah Pyrkhatlang Sychiang bad ia u Officer-in-Charge ban shong bishar kam halor ka jingiaid jong ka jingtohkit ia kane ka jingjia.

Ki dkhot ka Committee kiba la iadonlang ki kynthup ia ki MLA Bah Matthew Beyondstar Kurbah, Bah Adelbert Nongrum, Bah Brightstarwell Marbaniang, Deputy Commissioner ka Eastern West Khasi Hills Kong Anita Kharpor bad kiwei kiwei.

Share post:

spot_img
spot_img

Popular

More like this
Related

Kem ki BSF ia 7 ngut ki nongkhaii masi sha Bangladesh | Kurup haduh 76 tylli ki masi

Shillong, Naitung 23: Ha ka jingkhynra lang, hapdeng ki...

Beh krad ka KSU ia ki nongbylla bar Jylla na thain Kyrdemkulai

Nongpoh, Naitung 23 : Ka KSU Kyrdemkular 5 Km...

Assam | Yn ai jinghikai kaSorkar ia 3000 ngut ki samla ha ka ktien Japan ban iohkam ha Japan

Dibrugarh, Naitung 23: U Myntri Rangbah ka jylla Assam...

Jah rngai i Khynnah ba dang 6 snem na Rajasimla | Iaid shakhmat ka jingwad paidbah

Tura, Naitung 23: Iwei ka heprit ba dang 6...