Shillong, Iaiong 08 : Ka Kynhun Myntri ka Sorkar Jylla ha ka sngi Ba-ar, kala mynjur ia ka amendment jong ka Meghalaya State Language Act, 2005 ban lah pyntreikam ia ka associate official language (Khasi) ha Eastern West Khasi Hills District.
Haba kren sha ki nongthoh khubor hadien ka jingialang, u Myntri Rangbah Conrad K Sangma ula ong “Kat kum ka Meghalaya State Language, 2005, ki associate language ha ki district bapher bapher ka Ri-lum Khasi lane Garo kila don lut ha baroh ki district ha kaban shah ban iakren da ki ktien lajong bad shah ruh ban thoh ha ki eksam”.
“Namar ngi don ia ka District thymmai ka Eastern West Khasi Hills District, kane ka jingpynkylla ka long kaba donkam ban leh khnang ba ka associate official language ha ka Khasi la kynthup lang ha kane ka District thymmai” ula bynrap.
 ha Eastern West Khasi Hills District.){kind=link}