Shillong, Iaiong 04: Da ki hajar ngut ki paidbah kila iashimbynta ha ka Rally kaba la pynlong da ka Khasi Students’ Union (KSU) ha Khliehriat, East Jaintia Hills District kum shi bynta ban kynmaw burom ia ka Khasi National Awakening Day ne ka Sngi Kyrsiew Ri.
La tip ia ka 4 tarik u Iaiong kum ka ‘Ka Sngi Kyrsiew Ri; namar ba dei ha kane ka
sngi kaba u Syiem ka Hima Nongkhlaw u Tirot Sing Syiem ula pynbna thma pyrshah ia ka jingsynshar ki phareng na ri Bilat ha ka 4 tarik u Iaiong 1829..
Haba kren ha ka jingialang paidbah, u President ka KSU u samla Lamborkstarwell Marngar ula phah ia ka kyrwoh kaba shai kdar sha ka sorkar jylla ba kan kiar na kano kano ka jingpyrshang ban pyntreikam ia ka lynti rel ha ka district khlem da don shwa ia ki atiar kiban tehlakam ia ka jingwan rung kyrthep ki briew kiba nabar.
Ula pynkynmaw ba ka KSU kala pynsangeh jubor ia ka jingthmu ban shna iaka lynti rel ha Byrnihat ha u snem 2017, haba ka sorkar kala pyrshang ban thom da ka bor halor katei ka mat.
Haba pynpaw ia ka jingrai ka sorkar ban thaw ia ka committee ban shim ia ki jingai jingmut bad jingpynsngew na baroh kiba don bynta ha kaba iadei bad ka rel, u President ka KSU ula ong, “Ngi kwah ban ai jingmut ia ka sorkar ba kan pyniar ia ki District Jail namar ngi lah long kiba kloi ban leit shong ha ki phatok, lada ka don kano kano ka jingpyrshang ban thom da ka bor ban wanrah ia ka lynti rel ha ka bynta jong kane ka jylla”.
“Kadei ka kamram ka jong ngi ban iakhun bad iada ia la ka jaka ka puta. Ngi phah ruh ia ka khubor sha ki langiong jong ka jaidbynriew ba kin kylla kaba mut noh hashwa ban dier noh ka por” ula ong.
Ula kyntu ruh ia ki paidbah ba kin ai ka jingkyrshan bad ka jingiatreilang ha ka jingiakhun ban pyrshah ia katei ka jingthmu.
U President ka KSU ula ther ruh iaka Sorkar Pdeng kaba la pynslem ban pyntreikam ia ka Inner Line permit (ILP) bad ban pynrung noh ia ka ktien Khasi ha ka Eighth Schedule jong ka riti synshar ka ri.
“Nga sngew ba ka daw bah jong ka jingmih ki kynhun kieng atiar ha ka thain kadei namar ba ka sorkar kala leh meinah palat. Kum kitei ki rukom leh kala pynlong ia ki samla ban shim da ki sienjam kiba tyngeh da kaba kieng syndon da ki atiar” ula ong.
 ha Khliehriat, East Jaintia Hills District kum shi bynta ban kynmaw burom ia ka Khasi National Awakening Day ne ka Sngi Kyrsiew Ri.){kind=link}