Shillong, Lber 26: Ki shipai jong ka Border Security Force (BSF) kila ioh kurup 22 tylli ki masi bad kem ia uwei u nong India ha khappud jong ka ri India bad Bangladesh kaba don ha West Jaintia Hills District ha ka 25 tarik u Lber.
Ki BSF kila pyntip, ba hadien jong ka jingioh ia ki jingtip kiba thikna halor ka jingbuhrieh ia ki masi ha ki bri kwai ban khaii tuh sha ri Bangladesh, kumta ki BSF jongka 4th Bn, BSF Meghalaya kila pynlong ia ka jingkhynra bad iohkem ia uwei u briew uba thmu ban khaii tuh ia ki masi ha ka thain khappud. Ha ka jingtohkit ym shim la lah satia ban ai ia kano kano ka jubab halor ka jingbuhrieh ia kitei ki masi ha khlaw.
Ia kitei ki masi kiba la ioh kurup, ki BSF kila aiti noh sha ka Police Patrol Post (PPP) Muktapur ban pynlong ia ka jingtohkit bad ban leh ia kaba donkam.
Ka BSF kala pynpaw ba ka iengskhem ban tehlakam ia ki kam khaii tuh bad ia ki kam sniew ha ki thain khappud bad kan long kaba iai peitngor ban iada ia ka khappud na ka bynta ka jingshngain jong ki nongshong shnong ka ri India.
 kila ioh kurup 22 tylli ki masi bad kem ia uwei u nong India ha khappud jong ka ri India bad Bangladesh kaba don ha West Jaintia Hills District ha ka 25 tarik u Lber.){kind=link}