Shillong Lber 26: Ka Kynhun Myntri jong ka Sorkar Jylla hynne ka sngi Balang kala ai jingmynjur ban thaw ia ka Meghalaya Social Welfare Recruitment Board (MSWRB) ban pynkloi ia ki kam ki jam ban pyndep ia ka jingthungkam ha ki kam kiba lait ha ka tnad sorkar.
Haba iakren bad ki nongthoh khubor, u Myntri ka Tnad Social Welfare u Bah Paul Lyngdoh ula ong ba katei ka mat kadei kaba la iatai ia ka jingdonkam kyrkieh ban thungkam noh ha ki kam kiba lait thylli khnang ba yn lah ban shimkhia ia ka jingduna ki nongtrei ha ka tnad.
“Kumta ban pynkloi noh ia ki kam ki jam ban ioh pynrungkam ha ki kam kiba lait, ka kynhun myntri kala ai ia ka jingmynjur ban thaw ia ka Meghalaya Social Welfare Recruitment Board,” ula ong.
U Bah Paul Lyngdoh ula ong ba la pynkhamti ia ka Board ia ka jingkitkhlieh ka bapher bapher bad khamtam ia ka jingdonkam kyrkieh ban shimkhia iaka jingduna ki nongtrei da kaba thungkam noh mardor ia ki kam kiba lait thylli bad ka bynrap, “Nuksa ngi don bun, kumba 62 ngut ki Lady Supervisors, ia kaba ym pat shim la thungkam bad 8 ngut ki Child Development Project Officer (CDPO)”.
Katkum ka jingong ka jongu, ki kam ki jam kila iaid suki bha ban ia kaba la khmih lynti bad na ki daw kiba bun kiba la mih ka jingpynslem ha kaban thungkam ha kitei ki kam kiba lait da ka MPSC.
“Ban pynkloi ia ki kam ki jam baroh, ka kynhun myntri kala mynjur ban thaw ia ka Meghalaya Social Welfare Recruitment Board, kaban khlieh da ka Chairperson kaba dei ban bat ia ka kyrdan Commissiner & Secretary jong ka sorkar Meghalaya
ha ka tnad Social Welfare bad ka Director kum ka Member Secretary,” ula ong.
 ban pynkloi ia ki kam ki jam ban pyndep ia ka jingthungkam ha ki kam kiba lait ha ka tnad sorkar.){kind=link}