Shillong, Lber 18 : Ki Pulit ka East Khasi Hills, ha ka sngi Ba-ar, kila kem ia uwei u briew uba la kynnoh donkti ban bat bor ia kawei ka khynnah samla kaba don jingduna ha ka dkhot met.
Une u briew u kyrteng u Olis Mukhim ba 27 snem ka rta, uba dei na ka shnong Nonghali.
U Superintendent of Police ka East Khasi Hills Bah Vivek Syiem ula iathuh ba ki Pulit kila ioh pdiang ia ka jingujor halor kane ka jingjia naduh ka 16 tarik Lber haba pyntip ba kane ka kam bymman ka dei kaba la jia hashuwa kane.
U pyntip ba ki Pulit ka Mawdiangdiang bad Nongmensong hadien ba ioh pdiang ia ka ejahar, kila pynlong ia ka jingtohkit kaba bniah bha bad ha ka sngi Ba-ar, kila ioh ban kem noh ia une u briew.
Kat kum ka jingong jong u, kane ka samla kaba mad ia kane ka jingjia sngewsih ka dei kaba don jingduna ha ka bor iohsngew bad kumjuh ruh ka dei ka bym lah ban kren.
