Nongstoiñ, Lber 10: Ka Eastern West Khasi Hills District, kala mana ban pynlong ia kano kano ka jingpyniakop iadur masi hapoh u pud u sam jong ka District.
U District Magistrate ka EWKH ula pynjari da ka kyndon 163 BNSS ba khang pyrshah ban pyniadur masi, kiba ju pynlong bha ha ki Fete bad kiwei kiwei ki tamasa hapoh ka District.
Ula ong ba ka jingpynlong ïa ki jingïakop pynïatur masi, ka dei ka jingynkheiñ ïa ka kyndon 11 jong ka Prevention of Cruelty to Animals Act, 1960 bad ïa ka hukum jong ka Ïingbishar Supreme Court jong ka India kaba la khang pyrshah ïa kiba kum kine ki jingïakop pynïadur masi ba la pynmih ha u snem 2014.
Kane ka hukum kan treikam noh mardor tad haduh ban da pynbna da kumwei pat.
