Shillong, Lber 07 : U Myntri ka Tnad PHE Marcuise N Marak ha ka sngi Thohdieng ula pyntip ba ka New Shillong Water Supply scheme (Phase-I) kan pynbiang umbam umdih haduh 70 Million liter ha ka shisngi hapoh u 2057.
Katba ka Greater Tura Water Supply Scheme ka dei kaba la pynwan dur ban lah pynbiang umbam umdih haduh 30 million liter shisngi hapoh u 2055.
U Myntri ula pyntip ia kane ha Iingdorbar haba jubab ia ka cut motion bad pyntip ba ia ka New Shilong Water Supply Scheme (Phase-I) la ai jingmynjur ha ka 15 tarik Lber 2024 ha ka jingmang pisa ba kot T.538 klur na ka State Plan.
U pyntip ba ia ka Engineering, Procurement & Construction (EPC) contract la ai sha ka M/s BAC Infratech Private Limited ha ka 26 tarik Jylliew 2024 lyngba ka open tender bad la buh por ban pyndep ia ka hapoh ka 2 snem.
Ka tyllong jong ka um na ka bynta kane ka skhim kan dei na Wah Umkhren bad ia kane ka project la pynwandur ban pyn biang ia ka umbam umdih ia ka New Shillong Township bad ki 32 tylli ki shnong ba marjan.
“Kan ai umbam umdih sha ki nongshongshnong ba 4.14 lak bad ka um ka ban pynpoi kan long haduh 70 million liter shisngi hashuwa u snem 2057 kata hadien 30 snem” ula pyntip.
Halor ka Greater Tura WSS ula pyntip ba kane ka skhim ka dei kaba la ioh jingmynjur ha ka 31 tarik Kyllalyngkot 2025 ha ka jingmang pisa ba kot T.398.48 klur.
Kane ka skhim kan tan um na ka wah Ganol bad kan pynbiang umbam umdih ia kumba 2,69.763 ngut ki nongshongshnong. Kan ai jingmyntoi ia baroh ki longiing ka sor Tura kynthup ki jaka treikam bapher bapher kiba don ha sor Tura.
 kan pynbiang umbam umsih haduh 70 Million liter ha ka shisngi hapoh u 2057.){kind=link}