Shillong, Nailar 28: Ki Nongtrei Causal ka MeECL kiba don ha ka lama jong ka MeECL Progressive Worker’s Union (MePWU) kila rai ban sdang ia ka jingiakhih lashai ka 29 tarik Nailar halor ka jingmynthi ka sorkar ban thungkam pura noh ia ki Nongtrei Casual bad ban siew noh ia ka tulop ba dang sah.
Ka MePWU kala shim ia kane ka rai ha ka jingialang ba long myn ha ka 20 tarik Nailar.
U President ka Union Bah Mantipphrang Lyngdoh Kiri u pyntip ba kane ka jingiakhih kan sdang da ka jingiadeng lama iong ha baroh ki Ophis treikam ka MeECL naduh ka 29 tarik haduh ka 31 tarik Nailar.
U la pyntip ba hadien kane, yn sa pynbud pat da ka jingiakhih da kaba shong kyllain myngor naduh ka 5tarik u Nailur haduh ka 16 tarik jong utei u bnai naduh ka por 11baje haduh ka por 3baje mynsngi man ka sngi lait noh tang ha ka sngi Saitjain bad sngi U Blei
U Bah Mantiphrang Lyngdoh Kiri ula ong katei ka rai ba ki shim ka long ban dawa ban pynrung kam pura noh ia kiba trei casual bad ruh ban pyllait noh ia ki jingsiew baroh kiba dang sah.
“Lada kitei ki jingiakhih ba ki shim kam sei soh kim banse ba ryngkat bad ki kynhun baroh jong ka CCORMAU kin sa shong pyrkhat biang ban shim ia kiwei pat ki lynti” ula ong.
