Tura, Nailar 29 : Kawei ka Iingmane Catholic kaba la rim bha ha Daram, North Garo Hills kala shah kyndang ha ki runar bym lah ban ithuh ha ka sngi palei, kiba la pynjulor dusmon ruh ia u Mot Jisu Mother Mary bad u Saint Joseph.
Kat kum ka ejahar bala mudui ha Resubelpara police station, North Garo Hills, ia kane ka kam dusmon ki runar la lap ha ka step sngi thohdieng da ki riew ngeit kiba leit pynlong jingduwai ha Iingmane. La ong u Parish Priest um shym la don satia ha kane ka Iingmane ha ka por ba jia kitei ki jingjia.
Baroh ki Parish Priest jong ka Balang Catholic ki ia don ha Tura ban iashim bynta ha ka Religious Retreat.
Kine ki runar ki khlem lute pisa satia lane khung ia ki tiar ba shongdor lane rong ei ia ka bai kynshew pisa hynrei la shem ba kane ka jingkyndang ia ka Iingmane ka dei beit tang ban pynpra dusmon ia kine ki mot u u Jisu Khrist, ka kmie jong u ka Mary bad u Saint Joseph.
Kine ki runar kila dkhat ruh ia ka khlieh jong u Jisu Khrist, ka Mary, u Khunlung Jisu bad u Saint Joseph na u mot.
Kinr ki runar kila pyrshang ruh ban pynpra ia ka u motdur kyntang bala wah hajrong ka kynroh Iingmane ba ju pynlong ia ka Eucharist hynrei kim shym la kot satia bad namar kata, kila shu mait noh ia la kjat jong une u motdur kyntang.
Ki Pulit kila suba jur ia uwei u samla ba 25 snem uba don jingduna ha ka bor pyrkhat pyrdain namar u dei uba la ju pynpra teng ia ki motdur kyntang jong ka Balang ha Daram. Hynrei ki Pulit ki dang tohkit mynta na baroh ki liang shuwa ban shim ia kano kano ka sienjam.
Kane ka Iingmane ha Daram ka dei kawei na ki Iingmane bala rim tam jong kaBalang Catholic ha North Garo Hills.
