Shillong, Rymphang 04 : U Myntri ka Jylla AT Mondal ha ka sngi Ba-ar, ula ong ba ka jingialang ba dang shen jong ka kynhun Myntri ha Sohra kala kyntiew bha ia ka rukom treikam jong ki Tnad Sorkar ba kynthup ia ka Tnad Bording bad Community & Rural Development (C&RD).
Haba iakren bad ki lad pathai khubor, u Mondal ula ong “Kala nang ai mynsiem ia ngi ban trei bha ia ka kam namar phi sngew ia ka mynsiem ban ialeh bad ruh ka pyni sha ka pyrthei ia ki jingduna ba phi don. Kumta kane ka dei ka kam kaba biang eh kaba nga sngew shimet”.
Ula ong ba ka jingialang ka kynhun Myntri shabar ka Shillong kala iarap bha ruh ban tip halor ka jingtreikam jong kiwei kiwei ki Tnad bad ruh ka wanrah ia ka jingiadei ba iajan hapdeng ki Tnad.
Kat kum ka jingong jong u, ka jingthmu hi ka long ban wanrah ia ka jingiatreilang kaba khamjanai hapdeng ki Tnad kiba iadei kam.
.){kind=link}