Shillong, K’lyngkot 30 : Ka Kynhun Myntri ka Sorkar Jylla ha ka sngi Palei, kala mynjur ia ki kyndon ban pynkylla thymmai ia saw tylli ki Service Rules.
Kine ki saw tylli ki service rule bala pynkylla ki dei ka – The Meghalaya Accounts Service Rules, 1996, The Meghalaya Local Fund Audit Service Rules, 1996, Amendment of Rule 5 of the Meghalaya State Electricity Regulatory Commission Rules, 2003 bad The Meghalaya Food and Civil Supplies Rules, 2001.
“Kumba phi iatip bala pynsangeh ia ka jingpynkiew kyrdan da ki Tnad bad kala kylla long ka jingeh bad kumta ngi lah wanrah ia ka jingpynkylla hakine ki rules” ong u Myntri Rangbah Conrad K Sangma haba iakren bad ki lad pathai khubor.
“Kine ki dei ki jingpynkylla ba kongsan ba la leh khnang ban pynrung ia ki katto katne ki OM ha ki katto katne ki kam ha kaba dei ban pynkylla ia ki kyntien, ki kyrteng ki hap ban pynkylla, ha ki katto katne ki khep namar ki katto katne ki rai ba la shim da ka kynhun myntri, ki katto katne ki jingkylla ki hap ban leh ha ki kyndon ban iaid kat kum ki rai ba la shim ha ka kynhun myntri. Kumta kine ki dei ki jingpynkylla ba ju leh n aka por sha ka por kiba donkam ha kine ki saw tylli ki Rules,” u la bynrap.
