Shillong, Nailar 26: U Lat ka jylla Satya Pal Malik hynne ka sngi thohdieng, ula ai iaka khusnam “Governor’s Award for Excellence in Public Service-2022” ia u Mahbubul Hoque, Chancellor ka University of Science and Technology Meghalaya (USTM) bad iaka Kong Trinity Saioo ka nonghikai skul kaba la ioh iaka Padma Shri, namar ka synniang ba kila ai ha ka jingshakri ia u paidbah ka Jylla.
U Mahbubul Hoque ula ioh ia kane ka khusnam halor ka jingnoh synniang shi katdei haka liang ka pule puthi khamtam haka Higher & Technical Education ka jingseng iaki jaka pule ha ki thain nongkyndong jong ka jylla Meghalaya bad Assam.
Katba ka Kong Trinity Saioo, kadei ka nonghikai skul kaba la sdang iaka jingiakhih kaba jar jar da kaba lum palat 800 ngut ki kynthei ha nongkyndong ban seng iaki Self Help Group na ka bynta ban rep ia u shynrai.
U Lat ka jylla u Satya Pal Malik ula ong, ba u Mahbubul Hoque udei uba iohi jngai ha ka pule puthi bad u don iaka jingieid ban tei iaki jaka pule ha nongkyndong bad ka jingaiti met bad mynsiem bad ka jingtrei khlem shongthait ka jongu,kala wanrah iaka jingkylla haka pule puthi ia kaba baroh kila sakhi lut.
U Mahbubul Hoque u la ai khublei ia u Lat ka jylla bad ia ki paidbah ka jylla Meghalaya kiba la ailad ia u ban shakri iaka imlang sahlang ban pynsaphriang iaka jingnang jingstad haka Higher & Technical bad kiwei kiwei.
U la pynkynmaw ba u ju ioh iaka jingiatreilang bad jingkyrshan na u Myntri Rangbah barim ka jylla u Dr Donkupar Roy, u Speaker barim ka Lok Sabha bad Myntri Rangbah barim ka jylla u P. A. Sangma bad u Lat barim ka jylla u R.S. Mooshahary bad ka jingkyrshan naki ophisar.
Na ka liang u Pravin Bakshi, IAS, Commissioner & Secretary jong u Lat ka Jylla haba kren pdiang, u la iathuh baka jingai ia ka khusnam ka dei kum shi bynta jong ka jingrakhe iaka Azadi Ka Amrit Mahotsav ha kaban ithuh ia ki riewshimet kiba la trei borbah ban ai jingshakri ia u paidbah ka jylla.
