Nongpoh, Nohprah 28 : Ka Central Agriculture University, Umiam kala rai ban pynkynriah biang noh ia ka eksamin thung kam hapoh ka College of Post Graduate Studies in Agriculture Science na Assam sha Meghalaya tang hadien katto katne kynta ba leit khang tala ka Khasi Students Union (KSU)-North Khasi Hills, ia ka Ophis u Dean jong ka College.
Ia kane la pyntip da u Chairman ka Employmeng Monitoring Cell ka KSU-NKH samla Banjop Maring haba iathuh ba ka CAU kala phah da ka shithi sha ka seng ba kan wanrah biang noh ia kane ka eksam sha Umiam.
Ka KSU, Employment Monitoring Cell – NKH ha ka sngi Thohdieng, kala leit khang tala ia ka Ophis u Dean ka College of Post Graduate Studies in Agriculture Science ha Umiam u D Thokuria namar ka jingbym pynsngap ia ka jingdawa ka seng ban pynlong ia ka eksam thungkam jong ka college hapoh Umiam na ka bynta ki kam LDA, UDA bad kiwei kiwei, kiba la pynbna laitkam ha u snem 2023.
Ka Central Agricultural University, Umiam ka la pynlait paidbah halor ka jinglait kam LDA, UDA bad kiwei kiwei ki post ha u snem 2023, bad ia ka eksam la dei ban thoh ha u snem 2024 ha ki jaka ba la buh ha Umiam bad Shillong hynrei la pynkynriah noh ia ka tarik ban thoh ia kane ka eksam bad la pynkynriah noh ruh wat ka ka jaka thoh eksam sha ka jylla Assam, katba la pynneh ia ka jaka thoh eksam ha Imphal bad ha Tura, kaba la buh jingeh shikatdei pat ia kiba thepkam na Ri Khasi Jaintia ban leit thoh ia kane ka eksam sha Assam.
U samla Banjo pula khot bad wer ia ki samla nongthep kam na ka Jylla ba kin iakhun ia kane ka eksam ban iohkam hapoh ka CPGSAS.
Ula ong ba ka KSU ka sngew ba kane ka jingpynkyniah syndet syndet ia ka jaka thoh eksam na Umiam sha Assam, kala pyn duba jur ba ka lah ban don eiei sah lyndet, kaba lah ruh ban long ka jingpynduhlad ia ki samla ka Jylla ba kin iakhun ia kane ka eksam.
-North Khasi Hills, ia ka Ophis u Dean jong ka College.){kind=link}