Guwahati, Nohprah 22 : Ka Assam kala pynjur ia ka jingkhynra ban iakhun pyrshah ia ka kam pyniashongkha khynnah hapoh ka Jylla bad ha ka miet 21-22 tarik, ki Pulit kila pynlong haduh 3 tylli ki jingkhynra bad kila ioh kem haduh 416 ngut ki briew na kylleng ki District.
Ki Pulit kila register haduh 335 tylli ki case pyrshah ia kine ki briew kiba la ialam hynne ka sngi sha Iingkashari ban tian bishar.
Ha Dhubri District :
Ki bor Pulit kila pynlong ia ka jingkhynra kaba jur ha kane ka District bad kila ioh kem haduh 68 ngut. Kane ka jingkhynra kala phah ia ka khubor sha ki briew ba ju pyniashong kha khynnah ba ka ain kan ym map satia ia ki.
Darrang District:
Ka jingkhynra ha Darrang kala iaid ha ki thain jong ka Sipajhar, Dalgaon, Dhula bad Shyampur Police Station bad ha kane ka jingkhynra, ki Pulit kila register haduh 11 tylli ki case pyrshah ia ka kam pynshongkha khynnah.
Ha Goalpara:
Ha Goalpara, ka jingkhynra kala lam sha ka jingiohkem haduh 20 ngut ki briew kiba donkti ha ka kam iashongkha khynnah. Ki Pulit kila trei tyngeh bha ban pyntreikam thikna ia ka ain bad ban tehlakam ia ka kam pyniashongkha khynnah.
