Shillong, Nohprah 20 : Ka KHADC kala ioh lum haduh T. 10,68,59,351 na ka professional tax tad haduh u Naiwieng 2024.
Ia kane la pyntip da u Executive Member (CEM) ka Tnad Taxation Bah Fantin Joseph Lakadong haba jubab ia ka jingkylli bala wanrah da u Nongialam ka Liang Pyrshah Bah Titos W Chyne.
U Bah Fantin ula ong “Ha ka jingsngew jong nga kum u EM ka Trade, naduh ba sdang ia ka jingsiew online, ka jinglum khajna kala kynjoh ia ka T.7.23 klur naduh u Iaiong haduh u Naiwieng 2024”.
“Haba nujor bad ka jinglum khajna ha u snem 2023-24, naduh Iaiong 2023 haduh Naiwieng 2024, T.7.14 klur la ioh ban lum” ula bynrap.
U Bah Fantin u ong ba ki don ki sakhi ba naduh ba ailad ia ki paidbah ban siew ia ka khajna online, kala don ka jingkiew ha ka jingiohlum ia ka professional tax.
