Shillong, Nohprah 20: U Myntri ka Tnad Bording Abu Taher Mondal ha ka sngi Palei, ula kyntu ia ki paidbah ba kin siew thikna ia ka bai bording elektrik.
Haba iakren bad ki nongthoh khubor, u Mondal ula kubur ba ka jingbym siew ia ka bai bording kaba la bun bha, kala ktah jur ia ka jingioh lum pisa jong ka Meghalaya Energy Corporation Limited (MeECL).
“Ta ka daw baroh ki nongthang bording, la ki dei ki karkhana lane ki longiing, nga kyrpad lyngba jong phi ba ki dei ban siew thikna ia ka bai bording. Lada phi don ki bill bym pat siew, dei ban siew noh bad lada ym lah sien shisien siew, phi lah ban siew da ki bynta bynta ruh namar ngi ruh ngi hap ban siew ia ka bill ha ka kompani ba ngi thied bording” ula ong.
Haba kylli, u Mondal ula ong “Katba ki dang siew thikna ia ka bai bording, ngin nym ot satia ia ka bording sha ki”.
Ha kawei ka liang, u Myntri ula pyntip ba ka jingpynbha bad shna pynskhem ia ka Myntdu Leshka Power Project kala jan dep artad.
Ula pyntip ba ka jingtyrwa ban pynkylla ia ka Riangdo Power Project na ka lai sha ka hynriew megawatt la phah mynta sha ka Rourkee ba kin ai jingmut. “Ka jingai jingmut kala wan hynrei ngan dang ban pule bniah ia ka” bynrap u Myntri.
