Shillong, Dec 6: U President jongka Meghalaya Cricket Association (MCA) u Nababrata Bhattacharjee, uba long u Administrative Manager jong ka kynhun ialehkai Cricket ki Kynthei ka ri India, ula shah pynkup burom ha ka the Queensland Cricket Board ha ka jingialang kaba la long ha Brisbane ha ka sngi Thohdieng.
Kane ka jingpynkup burom kala long ha ka jingialang kaba la pynlong da ka Indian Consulate General ha Brisbane.
ka Consul General Neetu Bhagotia, Kirsten Pike Chair jongka Queensland Cricket Board bad kiwei ki heh kynthup ia ki dkhot kiba pawkhmat jong ka India kila wan ban donlang.
Ka Pike kala pynkup burom ia u Nababrata Bhattacharjee bad u Coach u Amol Majumder.
U Bhattacharjee, haba kren na ka bynta ka kynhun ialehkai jong ka ri India ula pynapw ia ka jingsngewnguh ia katei ka jinglehbha jong ka Consulate katba ka Kapten Harmanpreet Kaur kala aiti sha ka Consul General da ka Jersey jong ka ri India kaba la soi da baroh ki nongialehkai.
Ka kynhun ialehkai jong ka ri India kan iakhun ia ka jingialehkai Cricket One Day pyrshah ia ka Australia. Ka la mad ia ka jingrem da 5 wiket ha ka jingiakhun kaba Nyngkong ha ka sngi Palei bad kan iakhun ha ka sien ka baar ha ka sngi U Blei.
 u Nababrata Bhattacharjee, uba long u Administrative Manager jong ka kynhun ialehkai Cricket ki Kynthei ka ri India, ula shah pynkup burom ha ka the Queensland Cricket Board ha ka jingialang kaba la long ha Brisbane ha ka sngi Thohdieng.){kind=link}