Shillong Nohprah 05: Ka Central Recruitment Board jong ka Meghalaya Police kala pynbna ba kan pynlong ia ka Physical Efficiency Test (PET) naduh ka 13 tarik u Nohprah haduh ka 15 tarik u Rymphang 2025.
U Inspector General of Police, (SB/Bdr.), Cum- Chairman, CRB, Meghalaya Police, Shillong u Dalton P Marak, ula pyntip ba la pynlong ha ka 7 tarik u Naiwieng la pynsangeh noh mardor namar ba kala don ka jingthud ha ki kor ki bor ha ka por ba la pynlong ia ka PET ha 1st MLP Bn, Mawiong bad 4th MLP Bn, Sohpian.
Kumta yn pynlong noh da kaba thymmai ia ka PET na ka bynta baroh ki kyrtong, kynthup ia kito kiba la iashimbynta ha ka PET kaba la pynlong ha ka 18 tarik u Naiwieng kaban kut haduh 21 tarik u Nohprah ha 1st MLP Bn, Mawiong bad 4th MLP Bn, Sohpian.
Ki tarik kiba la pynbeit thymmai ban pynlong ia ka Physical Efficiency Test (PET) ki long kumne harum.
13 – 20 tarik u Nohprah 2024 yn pynlong ha ka 3rd MLP Bn, Sahbsein, Jowai 2.
06 – 11 tarik u Kyllalyngkot 2025 yn pynlong ha ka 5th MLP Bn, Samanda, Williamnagar bad ha ka 4th MLP Bn, Sohpian, Nongstoin 3.
13 tarik u Kyllalyngkot– 15 tarik u Rymphang 2025 yn pynlong ha ka 1st MLP Bn, Mawiong, Shillong bad ha ka 2nd MLP Bn, Goeragre, Tura.
La kyntu ia ki kyrtong kiban ialeh ia ka PET ha ka 3rd MLP Bn, Sahbsein, Jowai, ba kidei ban Download ia ki Admit Card na ka Meghalaya Police website ia kaba yn lah ban ioh naduh ka 6 tarik u Nohprah 2024. Katba ki Admit Card jong ki kyrtong kiban ialeh ia ka PET ha kiwei pat ki jaka yn lah ban Download naduh ka 16 tarik u Nohprah 2024.
U Dalton P Marak ula kyntu ruh ia ki kyrtong ba kin pynthikna bha ia ki jingtip ki jongki hashwa ban Download ia ki Admit Card bad kan sa don ruh ka lad ba ki lah ban pynkylla/pynbeit ia ki jingtip shwa ban pynmih ia ka Admit Card.
Ki kyrtong kiba kwah ban bujli ia ka tarik ban iashimbynta ha ka PET, la kyntu ba kidei ban phah da ka aplikeshon sha u Member Secretary, Central Recruitment Board hashwa ban sdang ka PET.
Nalor kane la bthah ruh ia ki kyrtong ban kin khmih man la ka por iaka Official Meghalaya Police website na ka bynta ki jingtip kiba donkam bad lada ki kwah ia kino kino ki jingtip ki lah ban leit sha ka ophis jongka Central Recruitment Board ha Mawroh, Shillong ne ban phone ha u Helpline no.6033164273 ha ki sngi longtrei.
 naduh ka 13 tarik u Nohprah haduh ka 15 tarik u Rymphang 2025.){kind=link}