Nongstoiñ, Nohprah 05: U SP ka West Khasi Hills District, u la pyntip paidbah ba na ka daw jong ka Eucharistic Procession jong ka Nongstoiñ Diocese ha Umwahlang Parish ka ban long ha ka 8 tarik u Nohprah 2024, la pynbeit ban bud ryntih ïa ki jing pynïaid kali bad ki nongleit nongwan ha katei ka Procession.
Ha ka jingpynbeit, yn ym shah ïa ki kali ban rung na ka ïingmane catholic barim bad St Francis School Umwahlang, ki kali kiba don ïa ki car pass kiba wan sha katei ka procession kin ïaid na ka surok Nonglang sha St Francis Umwahlang lyngba ka sub way. Yn ym shah ban pynieng ïa ki kali ha ki rud surok Riwiang haduh Kyrdum bad ki kali kiba ïaid na Langpih sha Nongstoiñ, kin shim da ka surok Langpih-Tieh Thawïar-Langja Nonglang.
Ïa kitei baroh ki jingpynbeit yn pyntreikam naduh ka 6 baje mynstep jong katei ka sngi haduh ban da kut katei ka procession. La kyntu ruh ïa ki nongleit nongwan ban kiar ban ïaid na Nonglang sha Riwiang ha katei ka sngi Procession lait noh tang ïa kiba donkam kyrkieh.
