Shillong, Naiwieng 30: U MLA ka South Shillong constituency u Bah Sanbor Shullai hynne ka sngi u la buh ia u maw nongrim ban pyntrei ia ki 5 tylli ki kam pynroi ha Upper Lumparing.
Kitei ki skhim ki kynthup ia ka jingshna ia ka surok kali ha Wah Shyngiar Lumdorbar Upper Lumparing Shillong hapoh ka skhim PWD SPA 2024 ha ka jingmang pisa kaba T.1,38,63,000, ka surok kali na iingsah (L) Brooming Marbaniang shaduh Lumdorbar Upper Lumparing Shillong kaba la kot sha ka T.3,02,08,000, ban shna ia ka Aqueduct Slab Drain na ka jaka buh um ha Upper haduh Lower Lumparing Shillong hapoh ka skhim PWD SPA-2024 haka jinglut kaba T.91,61,000 bad na ka bynta ka skhim Greater Lumparing Water Scheme lyngba ka AMRUT haka jinglut T.3,13,000,00.
Nalor kane u Bah Sanbor u la plie paidbah ruh ïa ka surok bala dep pyndep ha Madan Laban lyngba ka skhim PWD SPA haka jinglut kaba kot T.1,77,83,000.
Haba kren ha kane ka sngi, u Bah Sanbor Shullai u la ong ba kine ki skhim kin ai jingmyntoi ia baroh ki paidbah ka South Shillong constituency.
Haba ai khublei ia ki trai jaka, u bah Shullai u la ong “Nga la ju iasaid ba ki briew jong ka jylla ki dei ban shim jinghikai na ki nongshong shnong ka South Shillong, kiba kloi ban iasam ne ai ia ka jaka jong ki na ka bynta ban pyntreikam ia ki skhim pynroi bad ki project bapher bapher”.
U Bah Sanbor u la ong ba ki paidbah ka South Shillong constituency ki long ki nongialam bad ki ai nuksa ha kaba kloi ban synniang iala ki jaka jong ki namad ki sngewthuh, ba ki skhim pynroi ki dei kiba la thmu ban ai jingmyntoi ym tang ia kane ka pateng hynrei wat ia ka pateng ban wan ruh.
 Brooming Marbaniang shaduh Lumdorbar Upper Lumparing Shillong kaba la kot sha ka T.3,02,08,000, ban shna ia ka Aqueduct Slab Drain na ka jaka buh um ha Upper haduh Lower Lumparing Shillong hapoh ka skhim PWD SPA-2024 haka jinglut kaba T.91,61,000 bad na ka bynta ka skhim Greater Lumparing Water Scheme lyngba ka AMRUT haka jinglut T.3,13,000,00.){kind=link}