Shillong, Naiwieng 07 : Ka National Scholarship Portal (NSP) kala pdiang mynta ia ka jingaplai ia ka Post-Matric Scholarships lyngba ka NEC Merit Scholarship Scheme na ka bynta ki khynnah pule jong ki jylla ka thain Shatei Lam Mihngi na ka bynta u snem 2024-25.
Sherry Lalthangzo, Economic Adviser (E&M), kala ai ia ki jingtip halor ki kyndon kaba ki khynnah ki lah ban ioh ia ka NEC Merit Scholarship Scheme. Kiba aplai ki hap ban dei kiba shong basah trai ha ki jylla ka thain shatei lam mihngi bad kiba pule ha ki jaka pule kiba la ioh jingithuh ha ki jingpule bapher bapher (Diploma, Graduate, Post Graduate bad PhD/MPhil) hapoh India, hapoh lane shabar jong ka thain shatei lammihngi. Dei ban ioh 60% ka Marks ha ka eksamin kaba la dep bad ka jingioh kamai ka iing ka sem jong kiba aplai kam dei ban palat ia ka T.8 lak ha ka shi snem.
Ki kot ki sla kiba kongsan na ka bynta ban aplai ki kynthup ia u Aadhaar (UID) Number, Aadhaar-Seeded Bank Account, mobile number uba treikam, Income Certificate bad ka certificate na ki jaka pule.
Ki samla pule kiba lah ban aplai ki lah ban aplai Online ha ka National Scholarship Portal lyngba ka kine ki link:
[https://scholarships.gov.in](https://scholarships.gov.in). Na ka bynta ki jingtip kiba bniah, lah ban download ne ban sei online ia ka NEC Merit Scholarship Guidelines na [NEC Scholarship Guidelines](https://scholarships.gov.in/public/schemeGuidelines/NEC_1234_G.pdf).
Na ka bynta kino kino ki jingtip, ki khynnah pule ki lah ban leit sha ka ophis treikam jong ka North Eastern Council Secretariat.
 kala pdiang mynta ia ka jingaplai ia ka Post-Matric Scholarships lyngba ka NEC Merit Scholarship Scheme na ka bynta ki khynnah pule jong ki jylla ka thain Shatei Lam Mihngi na ka bynta u snem 2024-25.){kind=link}