Shillong, Risaw 29: Arphew hynriew ngut ki khynnah kynthei kin ioh leit ïashim bynta ha ka Final Selection Trial naduh 30 tarik Risaw ban rung sha ka kynhun ïalehkai U-15 jong ka Meghalaya.
Kane ka wan hadien baka Meghalaya Cricket Association (MCA) ka la pyllait paidbah ia ka thup jong ki khynnah kynthei kiba la pyndep ia ka TW-3 Age Verification Test.
Kine ki 26 ngut kin leit sha ka Final Selection Trials ka ban long ha Nongkhrah, Ri-Bhoi District naduh ka 30 tarik Risaw haduh 1 tarik Naiwieng haka por 7:30 mynstep.
Ynda la dep ki jingshah hikai pyntbit, ka MCA kan sa pynbna ïa ka thup kyrteng jong ki 15 ngut ki nongïalehkai ha ryngkat bad ki Standby bad ka jingpynkhreh kan long naduh 2 tarik haduh 17 tarik Naiwieng Nongkhrah hashuwa ka BCCI’s U-15 Women’s One Day Tournament.
21 ngut na ki khynnah kynthei kiba la pyndep ia ka Test ha kaba sdang jong une u bnai, katba 5 ngut ki dang lah ban rung sha ka kyrdan U-15 katkum ka jingthew snem ha u snem ba la dep.
Kine kiba la shah jied ki kynthup ka Isha Ray, Namesha A Marak, Sweetcemary Khongthing, Leeny Rai, Sharaisuk Marpna, Banchilla Marak, Philawanbiang Syiemlieh, Adalyn Fedilia Lyngkhoi, Anniba Aiyokhosha D Sangma, Eliza Lyngdoh, Deimi Alaska R Marak, Onaavy M , Priya, Bijime Ch Momin, Philasyrpai, Idashisha Sohshang, Sonakshi R Marak, Rijanailin Peinleng, Beneros D Shira, Rafinia Ryntathiang, Diya Biswa, Joanna Pyngrope, Jennifer Fancon, Deijiana M Sangma, Evanrihun Sohshang.
Ki Support Staff ki kynthup u Rupashree Sharma (Head Coach), Bhakupar Mylliemngap (Assistant Coach), Sweetie Marboh (Nongahikai), Jakrimbal D Arengh (Physio).
