Shillong, Risaw 28: Ka Hynniewtrep Integrated Territorial Organisation (HITO) hynne ka sngi Nyngkong, ka la buh jingkylli halor ka jingkynnoh ba pynslem ban pynshitom iaki kompeni Cement kiba don ha East Jaintia Hills District namar ba ki treikam ha ki jaka khlaw.
Ha ka shithi ba la ai sha u Additional Principal Chief Conservator of Forest, ka Sorkar Pdeng, ka tnat Ministry of Environment and Forests, North Eastern Regional Office, Shillong, ka HITO ka la kdew iaki jinglap kiba bniah jong ka kynhun Joint Inspection Teams kiba leit lum jingkhein ha ka 31 Nailar 2012 bad ka 18 tarik Iaiong 2013.
“(Ngi) pan jingshai na phi halor ka jingbym leh eiei pyrshah ïa ki kompeni Cement kiba treikam ha East Jaiñtia Hills District jong ka Meghalaya” ong ka shithi.
Ka HITO ka la kam ba katkum ka kaiphod, ka jaka ba la ioh da ki kompeni Cement ka kynthup ia ka jaka kaba heh bha kynthup ka jaka ba 838.03 Hectare bala ithuh kum ka jaka khlaw, 1,253.98 Hectare ka jaka bym dei khlaw, bad 57.56 la khein kum ka jaka bym pat ithuh.
“Ka Joint Inspection Team kaba nyngkong kam shym la lah ban jurip ia ka jaka kaba dang sah kaba 1,140.43 hektar bad kane ka long kaei kaei kaba sngewkhia. Baroh ki don 9 tylli ki kompeni Cement kiba la pynbna ba don jaka haduh 3,200 Hectare. Katto katne na kine ki dei kiba la dep ban ioh ne kiba dang don ha ka jingpynkhreh ban ioh jaka. Ka kynhun jurip ba iatreilang kaba nyngkong ka la lah ban jurip kumba 2,150 hektar, da kaba lap ba palat 838 Hectare ki long ki khlaw, katba 1,254 Hectare ki dei ki bym dei ki khlaw bad kumba 57.56 Hectare ki bym pat lah ban pynbeit” ka la ong.
“Ka Joint Inspection Team kaba ar ka la ioh bor ban eksamin ia ki jaka kiba dang sah kiba iadei bad ki 5 tylli ki kompeni. La bthah ruh ban pynbeit ia ka jingpyniapher kaba la ialeh pyrshah ia ki jaka kiba don 57.56 Hectare kaba dei jong ka Meghalaya Cement Limited (Top Cem) hynrei ka JSUD/M kam la shah ban jurip ia ki 272.537 Hectare ka jaka bad ka M/S MCL ka la weng noh ia 84.72 Hectare ka jaka ban jurip da kaba kdew ia ki jingpyrshah na ki nongshim bynta ha ka thain,” la ong ka shithi katba bynrap “Ha kaba kut, ka kynhun jurip lang kaba ar ka la lah ban pynbeit ia ka jinglong jong ka jaka ba 57.56 Hectare, da kaba pynkut ba 6 Hectare kadei jaka khlaw katba 51.57 Hectare ka bym dei khlaw. Nalor kata, ki la jurip ia 753.34 Hectare da kaba pynthikna ba 72.48 Hecatre ki dei ki jaka khlaw bad 679.06 Hectare ki dei ki jaka ba la pynlong khlaw. Palat 50% na ka jaka baroh kaba la bat da ki 9 tylli ki kompeni cement ka kynthup ia ka jaka khlaw”.
“Nalor kata, ka long kaba donkam ban pynpaw ba ka Jaiñtia Hills District Council ka duna ïa ki kot ki sla kiba biang ha kaba ïadei bad ki khlaw shnong bad ki khlaw paidbah, kiba long ka bynta kaba kongsan jong ki khlaw ka thaiñ. Wat hapdeng kane, ki la ai ïa ki kot pynshisha na ka bynta ki jaka bapher bapher ki bym dei la pynrung kyrteng kum ki khlaw katkum ki jingthoh jong ka JHADC, da kaba pynïapher ïa ki ha ka rukom kaba iehnoh ïa ka jingmut ba shisha jong ki ha ka liang ka mariang,”.
“Shuh shuh, ngi buh jingkylli ia ka tnat Ministry of Environment namar ka jingkylla ka suinbneng kadei ban dei kawei ka daw pyrshah ia ka jingai jingbit ban seng ia ka karkhana shna cement ha ka jaka sah briew. Kum kine ki jingtreikam ki don jingiadei bad ki jingktah ia ka mariang, kaba pynmih ia ka jingsngewkhia kaba jur jong ki paidbah ha ka jingkoit jingkhiah. Ki jingmih na ki karkhana cement-kynthup ia ka dewbilat kaba bun, ki kynja tdem, bad ki lyer ba sniew kum ka sulphur dioxide bad ka nitrogen oxide-ki wanrah ia ka jingma kaba khraw ia ka jinglong ka suinbneng, kaba lah ban wanrah ia ka jingeh ha ka jingring mynsiem na ka bynta ki nongshong shnong ba marjan,” ong u president ka HITO u Donbok Dkhar.
 hynne ka sngi Nyngkong, ka la buh jingkylli halor ka jingkynnoh ba pynslem ban pynshitom iaki kompeni Cement kiba don ha East Jaintia Hills District namar ba ki treikam ha ki jaka khlaw.){kind=link}