Shillong, Risaw 28: Ka Meghalaya kala kamai 157 bad hap 8 wiket ha ka jingleit tied ha ka sien ka baar bad kala tam da 72 run ia ka Maharashtra ha ka jingiakhun ha ka Ranji Trophy Elite Group A kaba la long ha Aurangabad bad kane ka jingiakhun kan kut lashai ka sngi Baar.
Ka Meghalaya kala kamai 50 run bad hap 5 wiket, hynrei ki nongtied kiba la mih hadien kila lah ban neh slem khyndiat bad ia kane ka jinghap ki nongtied ka Meghalaya kadei namar ka jinglah jongu nongkawang bol ka Maharashtra u MG Choudhary uba la ioh khur 3 wiket bad ai tang 21 run.
U Anirudh B uba la ioh ia ka Century ne kamai 100 run tam ia ka Meghalaya ha ka jingleit tied ha ka sien kaba nyngkong hynrei hynne ka sngi ula kamai tang 36 ruh, katba u nongkawang bol ka Meghalaya u Akash Kumar Choudhary ula kamai 26 run hynrei hashwa ba ka jingiakhun kan kut noh u Akash ula Out noh.
U Sumit Kumar ula kamai 24 bad ym pat Out katba u Aryan Borah, ym pat ioh ban mih ha madan ialehkai ban tied.
Ha shwa katei, ka Maharashtra kaba la kamai 263 run bad hap 5 wiket kala bteng ban tied biang hynne ka sngi bad bad kala kamai 361 run ia kaba ka Meghalaya kala lah ban kamai tang 276 run haka jingleit tied ha ka sien kaba nyngkong.
U Harshal Kate, uba la kamai 117 hynin ka sngi hynrei hynne ka sngi nyngkong, ula kamai sa tang 11 run bad ula shah pyn Out noh ha u Akash bad kamai baroh 128 run bad u Aakash ula ioh khur 4 wiket bad ai 76 run ha ki 28 over.
U MS Bhandari hynne ka sngi, ula kamai 73 run hashwa ba un shah pynkhyllem noh ha u Dippu Sangma uba la ioh 1 wiket, katba u Ajay Duhan ula ioh 2 wiket bad ai 34 run bad u Chengkam Sangma ruh ula ioh khur 1 wiket.
