Nongpoh, Risaw 25 : Ki shipai BSF ka G-Branch Headquarter, Shillong bad ki Pulit ka Ri-Bhoi, kila ioh kem ia 4 ngut ki nong Bangladesh namar ka jingwan rung be-ain na shiliang pud.
Kine ki 4 ngut ki kyrteng u Md Mintu, u Md Runel, u Johirul bad u Md Bilal kiba dei na Barishal bad Narayanganj District ka Bangladesh.
Kat kum ka khubor Pulit, kine ki nong Bangladesh kila wan rung tuh na Zero Point ka Sylhet. Ia kine ki briew la ioh kem da ka jingai jingtip ki shipai BSF G-Branch na ka thain Byrnihat.
Ki Pulit kila pynap shrip ia kine ki briew ha Byrnihat bad ha ka por 4:30 baje janmiet, kila ioh bat ia kawei ka kali tourist ba don u nombor AS01-GC-1071 ba niah da u Md Ali Hussain ba na Dhubri District ka Assam bad ioh kem ia kine ki nong Bangladesh.
Ha ka jingtalasi, ki Pulit kila ioh kurup ia ki kot ki sla ba shu shna thok lem bad lai tylli ki mobile phone. Ia kine ki nong Bangladesh la register case hapoh Nongpoh Police Station.
