Shillong, Nailur 21: Ka Division jong ka tnat Animal and Fisheries Science (DAFS) ICAR Research Complex for NEH Region, Umiam ha ryngkat ka jingïatreilang bad ka NFDB-North East Regional Centre Guwahati, haka 20 tarik mynta u bnai kala pynlong daka workshop ban kyntiew ïa ka kam ri dohkha bad ka jingpynmih dohkha ha Meghalaya.
Ïa kane ka Workshop la ïakren halor ki buit treikam ba kongsan na ka bynta ban kyntiew ïa ka kam ri dohkha ha Meghalaya bad ka thaiñ shathei lammihngi baroh kawei.
Haba kren ha kane ka sngi u Dr. V. K. Mishra, u Director ka ICAR u la pynpaw ïa ka jingdonkam jong ka rukom ri dohkha ba la pyniasoh lang kum ka buit stad kaba kongsan ban kyntiew ïa ka jingim jong ki nongrep riewlum ha Meghalaya.
Ka Kong Oldalin Khongagain kaba mihkhmat iaka tnat Directorate of Fisheries, ka Sorkar Jylla, ka la pynshlur ia ki nongiashim bynta ba kin trei shitom na ka bynta ka jingroi jong ka kam ri dohkha.
U A K Borah, u Office-In-Charge jong ka NDFB-NERC, Guwahati, u la pynshlur ruh ïa ki nongrep ban ïatreilang bad ka ICAR na ka bynta ban ioh ka jingnang jingstad bad ban shim kabu na ki skhim bapher bapher jong ka Sorkar, kynthup na ka PMSSY.
Ha kane ka Workshop la wan ïashim bynta da palat 50 ngut kynthup ki Scientist ka ICAR, ki Ophisar jong ki tnat treikam Sorkar, ki nongtrei jong ka KVK bad ki nongrep na Ri Bhoi, East Khasi Hills, East Garo Hills bad South Garo Hills.
Ha ka Workshop, ki nongai jingkren ki la ktah ia ki phang kiba bun jait, kum ka jingri dohkha ha ki jaka pdeng lum, ka jingri dohkha ba la pyniasoh lang, ki buit ri dohkha ba mynta, ka koit ka khiah jong ki dohkha, ki skhim bad ki jingiarap jong ka NFDB, bad ka jingpynroi ia ki kam seng kam seng jam ha ka kam ri dohkha.
Kila ban ruh haba iadei bad ka jingdonkam ban ïatreilang ban kyntiew ïa ka kam ri dohkha hapoh ka thaiñ shathei lammihngi.
Ia kane ka jingialang la pynkut da ka jingsam ia ki symbai dohkha kiba bha sha ki nongrep kum ka jingpynshlur ban kyntiew ia ka jingpynmih dohkha.
 ICAR Research Complex for NEH Region, Umiam ha ryngkat ka jingïatreilang bad ka NFDB-North East Regional Centre Guwahati, haka 20 tarik mynta u bnai kala pynlong daka workshop ban kyntiew ïa ka kam ri dohkha bad ka jingpynmih dohkha ha Meghalaya.){kind=link}