Shillong, Nailur 21 : Palat 7000 ngut ki nongmareh kila iashimbynta ha ka jingiakop 3rd Sohra International Half Marathon kaba long hynne ka sngi Saitjain ha Sohra bad u Akashay Kumar lem bad ka Ankita Ben Gavit, kila ioh khur ia ka nam lahduh ha ka jingiakop 21K ki shynrang bad kynthei.
Kane ka jingiakop mareh kaba la ap khmih lynti bha da ka Jylla, ka dei kaba la pynlong da ka Tnad Sports & Youth Affairs ka Sorkar Jylla ha ryngkat ka Meghalaya State Olympics Association bad ka Meghalaya Athletics Association.
Ki nongiakop mareh kila kot haduh 7200 ngut kynthup ia kiba wan na kylleng ki Ri ka pyrthei bad ki trai shnong. Kine kila ia shimbynta ha ka jingiakop mareh ba 21K, 10K, bad ka Run for Fun (5K).
Napdeng kine, palat 2000 ngut ki nongiamareh ki dei kiba na Sohra. Ki trai shnong ruh kila iamih bha ban wan kyrshan ia kane ka lympung iakop mareh da kaba leit iarap ha ki kam bapher bapher kynthup ka jingpynkhuid nalor ka jingiamih ban ai mynsiem ia ki nongiamareh.
Ha ka jingiakop mareh ki shynrang ba 21K, u Akashay Kumar ula wan ba nyngkong da ka jinglah ban pyndep ia ka thong tang hapoh ka 1:03:00 minit.
Ha ka jingiakop mareh ki kynthei pat ba 21K, ka Ankita Ben Gavit kala ioh rah ia ka lahduh da kaba pyndep ia ka thong hapoh ka 1:40:04, bad tam ia kaba wan ba-ar da .08 second.
Kine harum ki dei ki thup jong ki nongjop ha kane ka jingiakop mareh.
