Shillong, Nailur 20 : Ka Hynniewtrep National Liberation Council (HNLC) ha ka sngi Thohdieng, ka la pyndon burom kyrpang ia palat 49 ngut ki nongialam bad ki ehrang, kiba kyllon iap ha ka jingialeh jong ka seng da kaba kieng atiar.
Kane ka seng kala pynbna ruh ia ka 20 tarik Nailur kum ka Martyrs Day ban pyndon burom ia u ehrang ba nyngkong eh ka HNLC Sambor Mawthoh, uba la kyllon iap ha ka kti ki Pulit ka Jylla Meghalaya ha ka 20 tarik Nailur, 1994.
Ha ka kyrwoh, u General Secretary cum Publicity Secretary ka HNLC Bah Sainkupar Nongtraw ula ong “ “Da ka jingsngewsih kaba jur, ngi kubur ba ka tarik kaba deiban kynmaw burom ia ka jingshah pyniap u Sambor Mawthoh ka dei ha ka 20 tarik u Nailur, ym ha ka 21 tarik kumba la dep pynbna mynshwa. U Sambor, u dkhot ba nyngkong eh jong ka HNLC uba la shah pyniap ha ki pulit Meghalaya ha ka 20 tarik u bnai Naiwieng ,1994, u bat ia ka jaka kaba kongsan ha ka histori jong ngi.”
“Da kane ka jingtip ba thymmai, ngi dang pyrkhat ban buh ia ka 20 tarik u Nailur kum ka Martyr Day na ka bynta ka HNLC ban pyndon burom ia ka jingaiti jong u ha ka rukom kaba dei. Ha ka Martyrs Day, ngi pyndon burom ïa ki mynsiem kiba shlur, kiba la pha la ka jingim ha ka jingaiti khlem jingartatien jong ki na ka bynta ka daw bah jong ka jinglaitluid bad ka hok,” u la ong.
U Bah Sainkupar u la bynrap, “Ka jingpynkynmaw jong ka HNLC ia ka 20 tarik kum ka Martyrs Day ka ieng kum ka jingpynkynmaw kaba sngewsih ia ki jingaiti lut ba la pyni da ki dkhot ba la khlad noh jong ki shipai ka Bri Hynniewtrep ha ka jingbuddien khlem sangeh jong ki ia ka jingiakhih pyrshah ia ka sorkar India.
Ka HNLC ka la pyllait paidbah ruh ia ka thup jong ki 49 ngut ki dkhot, kiba la aiti ia la ka jong ka jingim hapdeng ka jingialeh da ki tiar ialeh jong ka HNLC.
Kitei ki long: Martyr Sambor Mawthoh @ Deng deng, Martyr Budnarbing Disiat, Martyr L.Marshillong @ Tiewlieh, Martyr Balajied Dkhar @ Hepkhoit ryngkat bad arngut ki dkhot ka KSU, Martyr Rocky Shylla, Martyr Dawanbiang Shulai, Martyr Shiplang Blah, Martyr Cleverson Basan @ Teibor, bad uwei u riew paidbah Lumlang Mawleiñ, Martyr Delphinus Myrthong @ Khraw Nongstoiñ.
Martyr Sylvester Snaitang @ Bahdeng Krew, Martyr Wantei Kharkongor @ Bantei, Martyr Donbok Jyrwa @ Bush, Martyr Smambar Khonglam @ Smam, Martyr Jan Ryntathiang @ Tiewïong, Martyr Donkupar Marweiñ @ Don ryngkat bad uwei u riew paidbah, u Noyrt Maryrt Iadoh @ Don Ebor Pyrbot, Martyr Derylpeio Sungoh @ Hart, Martyr Greek Wankhar @ Remdor
Martyr Bankit Khongjee @ ieid, Martyr Pynskhem Sohkhlet @ Danny, Martyr Tirot Syiemlieh@Marak, Martyr Saphir Hashah, Martyr Korbar, Martyr Wanpynshai Rynjah@ Gul ryngkat bad u hynmen jong u u Manbha Rynjah, Martyr Mekammore, Martyr Malcolm, Martyr Ma Tang, Martyr Vicky Majaw, Martyr Lider, Martyr Skhem, Martyr Bording Rongson, Martyr Cambridge Mawleiñ @ Jockey, Martyr Arkieru Sumer, Martyr Hemingstar Kharmulong @ Bahdeng, Martyr Rangdonkupar Syiemlieh @ Mac, Martyr Royalson@Banrap @ Smit, Martyr Denilson Lyngdoh @ Chaplin, Martyr Bahritmud Thongni, Martyr Tenzing, Martyr Shen Khonglamin, Martyr Pynhunlang Khonglain Kharbani @ Aah, Martyr Bankertlang Martyrtlang Lyngdoh, Kyrtyrtlang Lyngdoh eh @ Kohlieh Banshemlang Tham, Martyr (Retired) Cheristerfield Thangkhiew.
Ha kajuh ka por, u bah Sainkupar u la maham ruh ba ka kynhun ka dang peitngor bha ia ki heh pulit, kiba donkti ha kaba pyniap ia u General Secretary barim jong ka, Bah Cherishterfield Thangkhiew.
“Ki pulit Meghalaya ki lah ban shim noh ia ka jingim u Bah Cheris hadien ba ula mih na ka HNLC, hynrei ngan iathuh ia phi, lada ngim lah ban pyniap ia phi mynta, ngin iai ap. Ngin iai peitngor, ngin ap ha ka syrngiew jong ka jingshongthait jong phi. Ngin sa buddien bha ia kita ki heh Pulit ynda ki la jied ban shongthait noh. Kynmaw ia kine ki kyntien, phi lah ban thong ia ka – la phi jied ban ngeit ne em, ngin buddien ia phi, ngin wad haban da shem ia phi, ngin kthong ia phi. Bad ynda la dei ka por, kin don beit ki kam ba ngin leh pyrshah ia phi”, u la pynpaw.
 ha ka sngi Thohdieng, ka la pyndon burom kyrpang ia palat 49 ngut ki nongialam bad ki ehrang, kiba kyllon iap ha ka jingialeh jong ka seng da kaba kieng atiar.){kind=link}