Jowai, Nailur 17: Saw ngut ki briew kila mynsaw na ka jingpom pyrthat kaba jia ha ka sngi Nyngkong ha ka shnong Mowshadep, kaba hap hapoh ka Laskein Block, West Jaintia Hills District.
La iathuh ba kine ki 4 ngut ki briew ki dei kiba leit iing iap briew ha ka shnong Mowshadep bad kane ka jingjia kala jia ha ka por 2 baje janmiet hadien ka jingpom u pyrthat ia uwei u dieng uba ki dang iarieh slap.
Kine kiba mynsaw ki kyrteng u Bah H Ting na Mooshrot, B Tyngkai na Niawkmai, P Sten na Mukroh bad S Lyngdoh ba na shnong Sahsniang.
Ia kine ki saw ngut la kit noh sha hospital bad la pyntip ba arngut napdeng jong ki, kila mynsaw jur bha.
