Shillong, Nailur 06: U Lat ka jylla u C.H.Vijayashankar, hynne ka sngi Thohdieng ula leit iakynduh ia ka President jong ka ri ka Droupadi Murmu, ha Rashtrapati Bhavan, New Delhi.
Ha kane ka jingiakynduh u Lat ula pynsngew sha ka President ka Ri shaphang ki mat bapher bapher na ka bynta ban kyntiew ia ka roi ka par bad ia ka bha ka miat ha ka jylla Meghalaya baroh kawei.
Ka President kala pynpaw ia ka jingthrang ba ka Meghalaya kan kiew ha ka roi ka par bad kala pynthikna ba kan iai bteng ban ai jingkyrshan ia ki jingangnud jong ka jylla.
U Lat bad ka President kila iengskhem ba kin shimkhia ha kaban kyntiew shaphrang ia ka jylla bad ban shimkhia ia ki mat kiba kongsan jong ka thain. U Lat ula wer sngewbha ruh ia ka President jong ka ri India ba kan wan biang sha ka jylla Meghalaya.
Ka jingialang kala iakren ruh ia ka jingdonkam ban don ka jingiatreilang hapdeng ka sorkar jylla bad ka sorkar pdeng da ka jingthmu ban kyntiew ia ka jingim jong ki paidbah bad ban noh synniang ia ka jingkiew shaphrang jong ka ri.
