Shillong, Nailar 17 : U Myntri Rangbah ka jylla Conrad K Sangma ha ka sngi Balang, u la buh ia u mawnongrim ban shna noh ia ka surok Umsning – Jagi Road ha ka jingialang kaba long ha Mawhati.
Haba kren ha katei ka jingialang, u Myntri Rangbah u la pynpaw ia ka jingkmen kaba khraw ban ioh buh ia u mawnongrim jong katei ka surok da kaba ong ba katei kadei ka lynti kaba kongsan tam na ka bynta ki nongshong shnong jong ka Mawhati.
The blacktopping of this road was undertaken during my Father, (L) P A Sangma’s tenure as CM. I’m glad to take this project up during my tenure & to complete what he started.@PMOIndia @DasakhiatLamare pic.twitter.com/vKraOBTFo6
— Conrad Sangma (@SangmaConrad) August 17, 2022
“Ia kane ka surok la shu ieh kumto la bun bunsnem bad ka sien kaba khatduh ba maramot ia kane ka surok kadei ha ka por jong u (L) PA Sangma bad kumta ban ioh bteng ia ka kam kaba la sdang da u (L) PA Sangma ka pynkmen ia ka mynsiem jong nga bad ka pynlong kyrpang,” u la ong.
U ong ruh ba katei ka surok kam dei tang na ka bynta ka constituency hynrei kadei ruh ka surok kaba kongsan tam na ka bynta ka jylla Meghalaya hi baroh kawei.
“Lyngba kane ka surok ngi lah ban pyniasoh kham kloi bad ka Jagi Road bad nangto sha Upper Assam bad kumta kan long ka surok kaba kongsan tam ha ka kamai kajih namar katei ka thain lane ka distrik ka bun bha ka khaii pateng bad ki bynta jong ka Assam,” u bynrap biang.
U la pyntip ruh ba ia ka surok Bhoirymbong – Mawlasnai – Sabuda kaba don 10 kilometer kaba kot sha ka T. 18.5 klur , la dep ban mang tyngka bad aiti ia ka kam sha ki contractor.
Inspected the dilapidated Bhoirymbong-Mawlasnai-Sabuda Road that will be upgraded at a cost of ₹18 Crores through the Meghalaya Integrated Transport Project of @WorldBank. Work for this will start soon.@PMOIndia @nitin_gadkari pic.twitter.com/m0qQB71xGo
— Conrad Sangma (@SangmaConrad) August 17, 2022
U ong ruh ba ki don bun ki surok PMGSY bad kiwei kiwei ki kam pynroi kum ka ophis Block bad ki iing skul kiba dang don ha ka jingpynkhreh ban tei ha katei ka thain.
Katei ka surok Umsning –Jagi Road kadei ka surok heh kaba sdang naduh ka 51st KM jong ka surok NH-6 ha Umsning bad kut pat ha Umsiang kaba don ha khappud Meghalaya bad Assam kaba don kumba 80 kilometer.
Ia ka jingpynheh bad ka jingpynbha ia katei ka surok la leh da ka Meghalaya Integrated Transport Project (MITP) da ka jingbei tyngka na ka World Bank ha ka jingjrong kaba 40.13 km ha Ri Bhoi. Katei ka projek ka sdang na ka lad jong ka National Highway – 6 /Asian Highway bad kut pt ha Km 40.13 jong ka surok SH-8 hajan ka shnong Sonidan.
Baroh ki don haduh 17 tylli ki shnong kiban myntoi na katei ka surok kata kynthup naduh ka Umsohlang, Nongjri, Nongkya, Sohpdok, Tdohumsiang, Raitong, Tdohumshiaw, Laiphew Diengngan, Mawdiengngan, Umlatar, Umwiehsnieh, Shilliang Umdoh, Mawhati, Pdeng, Jatah, Umsohlait bad Sonidan, bad ki 25 tylli kiwei pat ki shnong kynthup ia ka Umranong, Thad, Tiehwieh, Khliehumtrew, Mawkynrong, Umshiaw, Kseh Kynjoin, Umlaiteng, Kdohhati, Prangdngiem, Umjapung, Lummihwar, Laitsyiar, Sohphoh, Moorathud, Ingsaw, Pamlaban, Pamrinai, Iamkhon, Pdengnongrim, Pamphlang, Jair, Lamalong, Mawtari bad Syntumaw.
Kane ka surok kan long ruh kum u budlum ban kyntiew ia ka kamai kajih bad ka ioh ka kot jon gki paidbah ba sah ha katei ka thaiñ ba dang kham long kyndong.
Ia katei ka surok yn leh ha ka jinglut kaba kot sha ka 83,38,49,016 tyngka bad la buh thong ban pyndep ha ki 36 bnai.
