Shillong, Nailar 13: Ka sur ba dawa ia ka jingbishar kaba hok halor ka jingshah siat iap u General Secretary barim ka Hynniewtrep National Liberation Council (HNLC) Bah Cherishterfield Thangkhiew, ka dang iai sawa haduh kine ki sngi ba mynta.
Kane ka jingdawa kala mih ha ka dur jong ka banner kaba la wah da ki lai tylli ki Sengbhalang na Mawlai-ka Khasi Students’ Union (KSU), ka Federation of Khasi Jaintia & Garo People (FKJGP) bad ka Hynniewtrep National Youth Front (HNYF), hynne ka sngi Ba-ar ha Mawlai kum ka shibynta ban kynmaw burom ia ka lyngkhuh sngi iap ba 3 snem jong une u Nongaialam barim ka HNLC.
Kine ki lai seng kila pynlong ia ka jingwah lama iong ha kylleng ki jaka ha thain Mawlai naduh ka por 9 baje mynstep ha ryngkat ki banner kiba don ia ki jingthoh bapher bapher.
Katto katne na ki banner kila ong “Ngi kwah ia ka jingbishar kaba hok”, “Becareful when you’re sleeping, you might be shot by the government”, “U kuli Sorkar u treikam tyngeh tang na bynta ki ba dawa ia ka hok u Khasi” bad “Ka snam Khasi kam shongdor hakhmat ka Sorkar”.
Kine ki lai ngut kila rai ruh ban leit synran ia ki bahaiing hasem jong u Bah Chetishterfield Thangkhiew ha ka jingleit buh syntiew ha ka por 2 baje janmiet ha Lum Jingtep kaba don ha Lawmali.
“Ngin ym lah ban klet lane klet ia ka jingpyndonkam palat pud iaka bor da ki bor ka ain bad ba ailad ia kito kiba donkti ban iaid laitluid” ong kine ki nongialam Sengbhalang haba kyntu ia ki nongshongshnong ka Mawlai ba kin iasnohkti lang ha ka jingkynmaw burom ia u Bah Cherish.
 Bah Cherishterfield Thangkhiew, ka dang iai sawa haduh kine ki sngi ba mynta.){kind=link}