Shillong, Nailar 11 : Ki runar ki bym lah ban tip ki dei kiei, kila leit ban kawang petrol bomb ha u mot sah nam jong u JN Bawri kaba don hajan ka Bawri Mansion, ha Shillong hynne ka step sngi U Blei.
Kat kum ka khubor, kane ka jingjia kala jia ha ka por 4 baje eiei mynstep. Ki runar kila kawang petrol bomb ia une u mot bad hadien kila lun maw ruh ia ka ATM booth kaba don ha Dhankheti, Shillong.
Haba ioh jingtip ia kane ka jingjia, ki Pulit ka Laitumkhrah Police Station bad ka kynhun leh Forensic, kila hiar sha kane ka jaka ban pynlong ia ka jingtohkit kaba bniah.
Ki Pulit ki dang tohkit bniah ia kaei kaba jia bad pyrshang lum ruh ia ki video bala ioh ring da kor CCTV ban lapdien ia kine ki runar.
