Nongstoiñ, Nailar 8: Ka West Khasi Hills District Badminton Association Nongstoiñ, ha ka sngi Palei ka la pynhap pyrda noh ïa ka lympung jingïalehkai Badminton kaba la tip kum ka 15th Inter School cum District Open Badminton Tournament 2024.
Ïa katei ka lympung la pynhap pyrda da u bah H.K.Thabah MCS Additional DC ka West Khasi Hills District kum u kongsan ha ka jingiadonlang ki nongialam bad ki dkhot jong ka Association ka WKHDBA.
Katei ka lympung jingïalehkai Badminton ka la sdang naduh ka 6 tarik u Nailar 2024 ia kaba la plie pyrda da u Bikram D Marak Superintendent of Police jong ka West Khasi Hills District.
Haduh 7 tylli ki skul kiba na ka thaiñ ki la wan ban ïashimbynta ha kane ka lympung kaba don ia ki jingpynialehkai ba kynthup ki singles, ki doubles, ki mix doubles.
Na ki skul ka Nongstoiñ Public School ka la ïoh ban khur ïa ka nam jop kum ka best team ha ki kynthei bad ka Anderson Higher Secondary School ha ki shynrang.
