Shillong Nailar 03: Ka Meghalaya State Judicial Academy (MSJA) hynne ka sngi Saitjaiñ kala pynlong ia ka Symposium halor ka phang “Maintenance of Professional Ethics in Judiciary and Exploring New Boundaries in the Age of Artificial Intelligence” ha ka Auditorium jong ka Meghalaya High Court.
Haba ai jingkren haba plie ia kane ka Symposium, u Nongbishar u Justice H.S. Thangkhiew, uba khmih ruh ia ka MSJA, ula ban jur ba ka Artificial Intelligence (AI) ka ktah ia ki bynta bapher bapher jong ka imlang sahlang, kynthup ia ka iingbishar.
Ula pynpaw ba ka jingdonkam ïa ka tnad bishar ban ym shimkhia tang ïa kine ki jingkylla hynrei dei ban pynthikna ruh ba ïa ki kyndon dei ban pynneh ha ka jingpynïasoh lang bad ki kor ki bor kiba iadei bad ka AI.
U Hardik Dave, u Nongseng bad u CEO jong ka Indika AI ula ai ka jingbatai kaba bniah ha ka jingïalang halor ka phang “Ka rai halor ka AI: Hato ka mashin ka lah ban pynbha bad ka lah ne em ban bujli ïa ki nongbishar briew?. Ha ka jingkren jongu, u ngam jylliew ïa ka jingïohi kaba kyrpang shaphang ka jingkiew jong ka jingstad thymmai ne AI bad ka tnad bishar.
U Dave ula pynksan ba ki tiar AI ki lah ban pynbha shibun ia ka jingtreikam jong ka rukom bishar da kaba pyniaid ia ki kam kiba man ka sngi, bishar bniah ia ki jingtip kiba bun kiba iadei bad ka ain bad ban ai ia ki jingshemphang kiba kordor.
Ula ban jur ba kine ki jingkiew ki dei ban pyndap, ym ban bujli ia ka jinglah ban shim ia ki rai jong ki nongbishar briew.
Katba u Justice S. Vaidyanathan, Chief Justice ka Meghalaya High Court ula banjur ia ka jingkongsan ha kaban pynneh ia ka jingtbit ha kaba iadei bad ka ain wat hapdneg ka jingiaid ka por jong ka jingiaid lang ka juk bad ki kor ki bor kiba thymmai.
La pynlong ruh ia ka jingiasyllok halor ka phang “Artificial Intelligence: Legal and Practical Challenges in India” ha kaba ki nongkren ki kynthup ia u Bah Don Kitbor Koshy Mihsill, JMFC, East Khasi Hills District, Shillong, u Bah R. Kharbihkhiew, Deputy Secretary, District Council Affairs Department bad u Hardik Dave, Co-Founder & CEO, Indika AI.
 ka ktah ia ki bynta bapher bapher jong ka imlang sahlang, kynthup ia ka iingbishar.){kind=link}