Shillong, Naitung 19 : Ka kynhun ki nos ha Meghalaya, kila leit ujor sha ka Myntri ka Koit ka Khiah Dr Ampareen Lyngdoh, ha ka sngi Thohdieng ba iadei bad ka jingpynbna ban thungkam nos da ka contract.
Ki nos kila pynpaw ia ka jingpyrshah kaba jur bad ong ba kam iahap satia ia ki nongtrei ka koit ka khiah ba kin shah thung kam ha kum kine ki kyndon haba kyrpad jur ia ka Sorkar ba kan weng noh ia ka jingpynbna.
U Bah Lurstep Nongrum, Nongaiktien ka kynhun, ula ong ba wat hapdeng ka jingaiti met bad mynsiem ia ka kam ban sumar sukher ia ki nongpang, ki nos kila shah tyrwa da ka jingsiew kaba duna bad ka kam ka bym skhem lyngba ka jingiasoi contract.
Haba jubab, ka Myntri kala pynshai ba ka jingmang ia ka contract ka dei kaba la leh da ka Tnad Finance.
Ka Myntri kala kular ia ki Nos ba kan sa leh eiei halor ki jingpynsngew jong ki bad kala pynbeit ba kan sa iakynduh biang ha ka taiew ban wan ban iakren shuh shuh ia kane ka kam.
