Shillong, Naitung 12 : Ka Khasi Hills Autonomous District Council (KHADC) kan sa khot shen ia ka Dorbar Kypang ban ai jingmynjur ia ka Khasi Hills Autonomous District (Constitution of District Councils) (Amendment) Rules, 2024, ban pynbeit thymmai ia u pud sam ki constituency na ka bynta ka elekshon MDC ban wan kat kum ka jingai jingmut ka Delimitation Committee.
Ha ka sngi sdang jong ka Dorbar Lyiur ka Council, ka EC kala wanrah ia ka kaiphod jong ka Delimitation Committee ba pynbeit thymmai ia ki 29 tylli ki constituency kat kum ka jingdon ki shnong bad ki nongthep vote. Hynrei ia kane ka kaiphod la phah shuwa sha ka Select Committee ba kan pynbeit janai bha.
Haba iakren bad ki nongthoh khubor ha ka sngi Thohdieng, u CEM ka KHADC Bah Pyniaid Sing Syiem ula ong “Ka Select Committee kan sa khot noh ia ka jingialang bad aiti ia ka kaiphod hapoh ka artatiew”.
“Hadien ba dep kane, ngin sa khot ia ka Dorbar ba kyrpang ban mynjur ia kane ka Rule” ula bynrap.
Ki Dkhot ka Select Committee ki kynthup ia u DyCEM Bah PN Syiem kum u Chairman, u Nongialam ka Liang Pyrshah Bah Titosstarwell Chyne, Bah Jambor War, Bah Bindo Lanong, Lambor Malngiang, Balajied Rani bad u Secretary ka EC kum u Member Secretary.
 kan sa khot shen ia ka Dorbar Kypang ban ai jingmynjur ia ka Khasi Hills Autonomous District (Constitution of District Councils) (Amendment) Rules, 2024, ban pynbeit thymmai ia u pud sam ki constituency na ka bynta ka elekshon MDC ban wan kat kum ka jingai jingmut ka Delimitation Committee.){kind=link}