Guwahati, Naitung 10: U Myntri ka Ministry of Power Manohar Lal ula bthah ia ki Sorkar Jylla jong ka thain Shatei Lam Mihngi ba kim dei ban lum khajna na ka um (water cess) haba phai sha ki Hydropower Project.
Haba kren ha ka Conference ki Power Minister ka thain Shatei Lam Mihngi ha ka sngi Ba-ar ha Guwahati, u Myntri ula ong ba la dep byhah ia ki Jylla ka thainba kim dei ban buh ia kumkane ka khajna namar kane kan nang tynrong ia ka jingsiew bai boring sha ki paidbah.
Ula bynrap ba dei ban pyrshang katba lah ha kaban ai ia ka bording kabym don jingthut, kaba lah ban siew ha ka Jylla, kaba lah ruh ban khring ia ka jingwan ki karkhana, bad kyntiew ia ka lad iohkam iohjam.
Kane ka kam ka dei kaba kongsan bha ha ka thain Shatei Lam Mihngi namar ka jingdon bun ki Hydel Project kiba la treikam bad kiba dang thmu ban pyntreikam.
Ka water cess ka dei ka khajna bala buh ban siew halor ka um ba tan ha ka por ba pynmih ia ka bording elektrik. Kane kan treikam ia ki hydropower project kiba la pyniaid da ki Tnad Sorkar bad kumjuh ruh ki kompani.
Ha kane ka conference la iakren ruh halor ka jinglong jingman ka kam pynmih bording ha ka thain, ka jingtan bad ka jing sam bording.
Ka conference kala iatai bniah ruh halor ka jingiaid jong ki skhim kiba heh ka Sorkar Pdeng kum ka North-Eastern Region Power System Improvement Project (NERPSIP), the Comprehensive Scheme for Strengthening Transmission & Distribution Systems in Sikkim, bad ka Revamped Distribution Sector Scheme (RDSS).
U Additional Secretary (Power) ula ban jur ia ka jingkut jingmut jong ka Sorkar Pdeng ban pynioh ia ka bording ka bym don jingthut haba kdew ia ka jingtreikam ki hydropower project kiba pynmih haduh 15GW bad ka jingthmu biang ban pyntrei ia ki project ba pynmih sa 50GW. Ka jingkongsan ban pyntrei ia ki Pumped Storage Project (PSP) ruh la iakren ha kane ka jingialang.
 haba phai sha ki Hydropower Project.){kind=link}