Tura, Nailar 12: U Myntri Rangbah ka Jylla Conrad Kongkal Sangma hynne ka sngi thohdieng, ula plie paidbah ia ka Safe Motherhood Transit Home (ka Jaka sah ba shipor ban iada bad sumar ia ki Longkmie ba armet) ha Asanang Primary Health Centre (PHC) kaba hap hapoh ka Rongram Block, West Garo Hills.
The Transit Home for Expecting Mothers under the CM’s Safe Motherhood Scheme inaugurated today at Asananggre, #WestGaroHills District is our aim to increase institutional deliveries & reduce Maternal Mortality Rate in Meghalaya @narendramodi @mansukhmandviya @MoHFW_INDIA pic.twitter.com/859JRsZgcP
— Conrad Sangma (@SangmaConrad) August 12, 2022
Kane ka Transit Home ka dei kaba la thaw da ka Sorkar kum shibynta jong ka Chief Minister’s Safe Motherhood Scheme ne ka skhim ban ai jingiada bad sumar iaki Longkmie ba armet ban lah tehlakam ia ka jingiap ha ka por kha khun.
Ka State Health Policy 2021, kala ithuh ia ka jingiap jong ki Longkmie ba kha khun ba ka dei ka kam kaba sngew khia bha bad tang ha u snem 2020-2021, haduh 248 ngut ki Longkmie kila iap ha ka jingkha Khun.
Ka Chief Minister’s Safe Motherhood scheme (CM-SMS) ka dei kaba la pyntrei halor ka jingthmu ban bynrap ia ki lad jingiarap na ka bynta ban khate ne pynduna ia ka jingiap jong ki Longkmie ha ka por kha khun.
Haba kren ha ka jingialang, u Myntri Rangbah ka Jylla ula ong ba ka Sorkar kala shimkhia bha halor ka jingai jingsumar ia ki Longkmie ba armet lyngba ka MOTHER Programme bad ka Safe Mother Scheme ka dei kaba la wanrah ban pynshlur ia ki Longkmie ba kin leit kha khun ha ki jaka ai jingsumar ban lah pynduna ia ka jingiap.
Under this scheme, Transport facilities involving local entrepreneurs in PPP mode for pick up and drop of mothers and their family members is also being arranged
84 PHCs across the State have arranged for vehicle support@narendramodi @mansukhmandviya @MoHFW_INDIA pic.twitter.com/5vyOM2UE7O
— Conrad Sangma (@SangmaConrad) August 12, 2022
U Myntri Rangbah u pyntip ba kane ka skhim ka don haduh saw bynta- (a) Ban buh ia ka Transit Home ia ki Longkmie kiba don ha ka jingma ha ka por armet. Ban pynbiang ia ka bam bad ai jaka lem ia ki Khun ki Kti jong ki.
(b) Ban pynbiang ia ki kali da ka jingiatreilang bad ki riew shimet ba kin leit shaw bad leit on ia ki Longkmie bad ia ki dkhot ka Iing jong ki.
(c) Pynshlur ia u Lok ne bahaiing hasem ban synran ia ka Longkmie bad ban sah bad ka ha kaban yn ai ia ka bainong sngi ba T. 1000 uwei u nongap.
(d) Ban ai khuslai ia ka Shnong ba pyntrei bha ia ka Chief Minister’s Safe Motherhood Scheme hapoh kawei pa kawei ka PHC ka ban long shisien ha ka shisnem.
U Myntri Rangbah ila pyntip ba haduh 80 tylli ki PHC kila dep ban buh ia ka Motherhood Transit Home ha kylleng ki jaka jong ka Jylla.
Kine ki 80 tylli ki PHC kila pynbeit ia ki kali ban iarap ia ki Longkmie ba armet bad ka Sorkar kala mang ia ka song pisa ba T. 36 klur naka skhim da kaba wanrah lang hajuh ia kiwei ki prokram kynthup ka JSY bad JSSK.
U Myntri Rangbah u pyntip ba ka jingiap jong ki Longimie ba armet kala hiar mynta palat 35% tang ha kine ki hynriew bnai bala leit noh haba ianujor bad u snem bala lah.
“Ka jingiap jong ki Khunlung ba dang kha ka long 29 % na ka National Average (jingkhein kyllum lang hapoh ka Ri) ba kot 28% jong u snem 2020-2021. Ngi la kut jingmut ban pynduna noh ia ka jingiap na ka National Average” ula ong.
