Shillong, Jylliew 04 : Ki shipai Border Security Force (BSF) bad Border Guards Bangladesh (BGB) kila shim rai ban iatreilang ha kaban wad ki lad ki lynti ban tem ia ki jingeh kiba mih ha khappud khnang ban lah wanrah ia ka jinglong jingman kaba suk ba sain ia ki nongshongshnong.
Ia kane ka rai la shim ha ka jingialang Border Co-ordination Conference ki Inspector General BSF-BGB Region Commanders, ba 4 sngi, kaba la kut noh hynne ka sngi Palei ha Shillong.
Ia ka kynhun ki BSF la khlieh da u IG ka Tripura Frontier Patel Piyush Purusottam Das katba ia ka BGB la khlieh da u Md Shazedur Rahman, Additional Director General Commonder, Chattogram.
Baroh kine ki shipai iada khappud kila iasoi ruh ia ka Joint Record of Discussion (JRD) hadien kane ka jingialang.
Haba kren sha ki lad pathai khubor, u Parel Piyush Parusottam Das ula ong ba ki BSF-BGB kila iakren ia kiba bun kikam kiba la seisoh bad kila shim ruh ia ki sienjam kiba kongsan ban pynkhlain ia ka jingiatreilang ha khappud.
U pyntip ba ka jingialang kala pynleit jingmut bha iaki kam kiba iadei bad ki kam kaikhlaw, ki kam bymman ha khappud, ka jingkhaii iaki jingdih buaid kum ki droks, ka jingpynkhein ia ki kyndon khappud, ki kam pynrpo ba pyntrei ha khappid nalor ka Co-ordinated Border Management Plan (CBMP).
Haba shim ia ka lynti ban tei ia ka jingshaniah markylliang, une u Khlieh ki BSF kilaong ba ki artylli ki kynhun iada khappud ka India bad Bangladesh kila jam mynta ia ka lynti ban nang pynkhlain ia ka jingiadei paralok da kaba iashimbynta ha ki jingialang Boder Co-ordination Conference jong ki Inspectors General, BSF bad Region Commanders ka BGB man la ka por.
Ka jingiakynduh ba khatduh jong ka Border Co-ordination Conference ka dei kaba la pynlong ha Chattogram, Bangladesh ha u bnai Naiur 2023.
