Shillong, Jylliew 30: Ki shipai ka 193 Battalion BSF Meghalaya ha ka Sngi u Blei, kila iohkem ia 3 ngut ki nong Bangladeshi kiba la wan rung tuh shapoh u pud u sam jong ka ri India na khappud ka East Khasi Hills.
Ki BSF kila pyntip ba kine ki 3 ngut ki nong Bangladesh kiba la shah kem ki kynthup ia u Mohibur Rehman (30 snem), Kudus Miah (25 snem) kiba na Sunamganj District bad uwei u khynnah 16 snem uba na Sylhet District. Ia kine la iohkem ha ka por ba ki dang rungtuh shapoh ri India na ki thaiñ khappud kiba hap ha East Khasi Hills.
Kila iathuh, haba kila ioh ia ki jingtip kiba paka, kumta ka kynhun ki BSF kaba ap pahara ha Dangar kala pynsangeh ia kawei ka kali Maruti Alto bad ha ka jingsuba jur, kala kem ia ki arngut ki Nong India bad 3 ngut ki Nong Bangladesh.
Ha ka jingtohkit ia ki, kitei ki nong Banladesh kila phla ba kila shu wan rung tuh shapoh ka ri India da ka jingthmu ban leit sha Kashmir ban wadkam wadjam.
Ki BSF kila aiti noh ia kitei kiba la shah kem sha ki pulit jong ka Dangar Police Station ba kan leh ia kaba donkam.
, Kudus Miah (25 snem) kiba na Sunamganj District bad uwei u khynnah 16 snem uba na Sylhet District. Ia kine la iohkem ha ka por ba ki dang rungtuh shapoh ri India na ki thaiñ khappud kiba hap ha East Khasi Hills.){kind=link}